Barnat e rimbursueshme, hyn ne fuqi lista e re

Lista e re e barnave te rimbursueshme ka hyre ne fuqi diten e djeshme. Ndryshe nga vitet e tjera kur medikamentet e reja shkonin tek pacientet ne muajin korrik, kete vit pacientet do i perfitojne ato, nje muaj me heret. Lista e barnave 2009 eshte pasuruar me 31 barna te reja, 74 alternativa tregtare barnash, te cilat jo vetem rrisin numrin e barnave qe rimbursohen nga Instituti i Sigurimeve te Kujdesit Shendetesor. Kjo liste permireson ndjeshem cilesine e sherbimit per popullaten. "Fatura financiare per 405 barnat qe do te kete lista e vitit 2009 parashikohet te jete 4.7 miliarde leke te reja. Kjo liste do te kete barna mjaft te shtrenjta, por mbi te gjitha do te trajtohen qindra paciente, me semundje te renda, barnat per trajtimin e te cilave futen per here te pare ne listen e rimbursimit, sikurse jane leucemia, infeksionet post-transplant. Ne sot arrijme te mbulojme 95% te semundshmerise kronike me listen e rimbursimit dhe kjo eshte nje arritje mjaft e madhe", tha Elvana Hana, Drejtoreshe e ISKSH-se. Sipas saj, vetem per nje bar (Imatinib 100mg caps) i cili perdoret per leucemite kronike, fatura financiare per nje pacient ne muaj eshte mbi 3 milione leke te vjetra dhe do te perballohet teresisht nga ISKSH. Vemendje te vecante ne kete liste te re barnash, kane pasur pacientet e rinj qe vuajne nga semundje te renda, sikurse eshte leucemia apo pacientet qe kryejne transplant. Per keta te fundit eshte futur per here te pare ne liste nje bar i ri antiviral, qe sherben per trajtimin e infeksioneve post-transplantit. Vetem per nje pacient ne muaj, vlera mesatare e recetes eshte afro 2 milione leke te vjetra dhe do te perballohet nga ISKSH. Por kjo liste, ka edhe kombinime te reja mjekimesh te cilat permiresojne ndjeshem cilesine e sherbimit per moshen e trete per semundje si astma bronkiale, epilepsia etj. Perpos barnave qe mbulojne diagnoza te reja dhe kombinimeve te reja te mjekimit, ne kete liste jane shtuar doza te reja te barnave qe jane ne liste, te cilat kane perdorim me te pershtatshem per femijet, te semuret kronike etj, duke sjelle nje permiresim te cilesise se sherbimit.