Bujqesori, studentet ne proteste per diplomat
E Marte, 02 Qershor 2009
Studentet e Universitetit Bujqesor te Tiranes jane hedhur dje ne protesta, per shkak te modelit te diplomes se shkolles se larte. Per studentet kjo eshte e padrejte, ndaj kane protestuar dje, perpara Ministrise se Arsimit dhe te Shkences dhe i kane kerkuar asaj qe te riktheje diplomat e vjetra. Studentet kane deklaruar se nuk do t'i terheqin diplomat e reja dhe kane kercenuar se do te vijojne protestat e tyre, deri ne momentin kur dokumenti qe verteton mbarimin e shkolles se larte, te permbaje te gjithe elementet qe ata kerkojne. Pas ankeses qe kane bere ne rektoratin e Universitetit Bujqesor dhe pergjigjes, se varianti i diplomave eshte miratuar nga Ministria e Arsimit, studentet e Kamzes kane gjetur si menyre te vetme, protesten perpara dikasterit te MASH-it. Behet fjale per ata te rinj, qe kete vit mbyllen ciklin e studimeve te para ne sistemin e vjeter, ate 5-vjecar. Por pavaresisht se kane perfunduar shkollen e larte me nje sistem tjeter shkollimi, diploma qe ata kane marre ka qene e njejte me studentet qe kane perfunduar kete vit ciklin e pare te studimeve, sipas kartes se Bolonjes, pra ate 3-vjecar. Qe ne momentin e pare, keta studente kane qene kunder idese qe te marrin nje diplome Bachelor, qe sipas tyre, nuk i ploteson kriteret e sistemit te studimeve qe ata kane ndjekur. "Ne kerkojme qe diploma qe do te marrim, te jete ajo e sistemit te vjeter, ku te percaktohet titulli, diploma te permbaje fotografine, po ashtu te jete e vlefshme per tregun e punes", - kane deklaruar studentet protestues.
Reagimi
Sipas zv/rektores Bizena Bijo, diplomat qe do te marrin keta studente, jane te integruara ne nivelin e dyte, qe do te thote se kalojne direkt ne master dhe doktorature, sipas ligjit per arsimin e larte. Kjo do te thote se pretendimi i studenteve, eshte i padrejte.
