Kontrolle per abuzim me cmimet
E Shtune, 30 Maj 2009
Durres- Cmimet e hoteleve dhe banesave ne bregdetit e qytetit te Durresit luajne nje rol te rendesishem ne rritjen dhe zhvillimin e turizmit. Pergjate bregdetit vihet re nje luhatje cmimesh, te cilat vijne si pasoje e vendndodhjes se hoteleve apo apartamenteve qe jepen me qira. Pergjate vijes bregdetare, cmimet paraqiten me te larta, nga 25 euro, deri ne 60 euro per nje nate pushimi.
Cmimet
Nderkohe qe per bizneset qe ndodhen ne anen tjeter te vijes bregdetare, cmimet jane me te uleta, ku varion nga 10 euro, deri ne 35 euro nata. Turiste te ardhur nga vendet fqinje, si Kosova dhe Maqedonia, por edhe nga rrethe te ndryshme te Shqiperise, bejne te ditur se cmimet ne bregdetin durrsak nuk jane te larta dhe se per to jane te perballueshme. Pushuesit shprehen se nje nate pushimi ne nje nga hotelet e bregdetit varion nga 12 euro, deri ne 60 euro, qe eshte dhe maksimumi, ku se bashku me shpenzimet e tjera arrin ne 80 euro. Nga ana e institucioneve perkatese eshte propozuar te mbahen nen kontroll pergjate ketij sezoni turistik cmimet qe ofrohen nga biznesmene te ndryshem, duke filluar nga Ura e Dajlanit deri ne piken turistike te Golemit. Fale ketij kontrolli cmimet nuk kane pesuar ngritje, por kane qendruar te palevizshme, duke favorizuar keshtu pushuesit e shumte qe kane zgjedhur bregdetin e qytetit te Durresit per te kaluar pushimet verore. Ne vijen bregdetare ka me shume se 80 hotele, me rreth 3200 shtreter, te cilet gjate stines se veres mbeshteten nga turizmi familjar. Megjithese nuk ka shifra zyrtare, gjithashtu llogariten me shume se 1000 familje, te cilat japin dhoma me qira per pushuesit e shumte, te cilet vijne kryesisht nga Kosova dhe Maqedonia. Operatoret turistik jane vene ne levizje duke reklamuar cmimet e tyre deri tek udhetimet dhe akomodimet, ndersa fluksi pritet te kete nje rritje deri ne 30 per qind.
Policia
Ne kuadrin e hartimit te masave per sezonin veror 2009, policia e Durresit siguron per te gjithe turistet rend dhe qetesi. Sipas drejtorit te policise, Ilia Nasi, "policia do te ofroje per pushuesit e huaj dhe shqiptare garantimin e sigurise publike, rritjes se sigurise ne akset rrugore dhe ne vendet e pushimit, si dhe parandalimit te ngjarjeve te mundshme apo aksidenteve rrugore". Nje tjeter mase eshte edhe rritja e standardeve te sherbimit dhe lehtesimit te procedurave te kontrollit. Strukturat vendore te policise pohuan se ne menyre te vazhdueshme do te bashkepunojne dhe me sherbimin zjarrfikes dhe Rojet Bregdetare, per marrjen e masave dhe menyren e dhenies se ndihmes, ne raste rreziku mbytjeje, zjarri apo aksidente te tjera, qe mund te ndodhin ne plazhe e vende pushimi, duke vene ne dispozicion edhe dy numra te rinj telefoni. Ne sherbim te pushuesve do te jene rojet bregdetare qe do monitorojne hapesiren detare ku zhyten pushuesit, per te shmangur tragjedite e mundshme.
Enkeleda Arapi
Besa: Prej 4 vitesh pushoj ne Durres, cmimet te mira
Plazhi i Durresit me nje vije bregdetar prej 3.5 kilometrash mbetet nje nder vendet me te frekuentuara nga turiste vendas dhe te huaj. Pushues te shumte shprehen te kenaqur me kushtet qe i ofron bregdeti i Adriatikut. Besa, 24 vjecarja nga Kosova, pohon se i pelqen te kaloje pushimet ne plazhin e Durresit dhe se e frekuenton ate qe prej kater vitesh. "Cmimet ketu jane me te arsyeshme se ne vendet e tjera, madje edhe sherbimi apo kushtet jane me te mira", thote Besa. Nderkaq ajo shpjegon se qytetaret durrsake jane shume mikprites dhe per kete ajo ndjehet si ne vendin e saj.
Dilaveri: Duhet te kete me teper hapesira publike
Ashtu sikurse Besa, edhe cifti Zhyta, pohojne se te kalosh pushimet ne bregdetin e Adriatikut eshte zgjedhja e duhur. "E frekuentojme prej vitesh plazhin e Durresit dhe ndryshimet demografike jane mjaft te medha ne kete zone bregdetare", thone ata. Nje prej bashkeshorteve, Dilaveri, pohon gjithashtu se krahas bukurise natyrore dhe perkujdesjes nga ana e institucioneve perkatese, duhet te lihen me teper hapesira per plazhet publike. Plazhi i Durresit mbetet nje nga me te frekuentuarit ne vend nga pushues te shumte ku edhe per kete vit pritet te shenoje nje numer rekord.
Ilia Nasi: Masa te forta per nje sezon te sigurt
Kryepolici i Durresit shprehet i bindur se kete vit sezoni do te jete me i mbare edhe pse efektiveve u duhet te angazhohen per mbarevajtjen edhe te fushates zgjedhore. "Policia do te ofroje per pushuesit e huaj dhe shqiptare garantimin e sigurise publike, rritjes se sigurise ne akset rrugore dhe ne vendet e pushimit, si dhe parandalimit te ngjarjeve te mundshme apo aksidenteve rrugore", thote ai. Nje tjeter mase eshte edhe rritja e standardeve te sherbimit dhe lehtesimit te procedurave te kontrollit. "Kemi vene ne dispozicion dy numra te rinj telefoni per pushuesit, ndersa do funksionoje edhe posta, zjarrfikesit dhe Roja Bregdetare", shpjegon kryepolici.
Cmimet e hoteleve ne bregdet
10-35 euro nata per person
20-50 euro per cifte
Restorantet
10-30 euro per person
20-100 euro per cifte
Cmimet e hoteleve larg bregdetit
12-20 euro per person
15-30 euro per cifte
Restorantet
10-25 euro per person
20-40 euro per cifte
Cmimet e shtepive me qira
15-20 mije leke ne dy jave larg detit
20-30 mije leke ne dy jave afer detit
Te dhena te tjera
80 hotele pergjate vijes bregdetare
3200 shtreter ne dispozicion
1000 familje ofrojne dhoma me qira
60 km vije bregdetare, nga e cila perdoret vetem rreth 7 km
3,2 km vije bregdetare e pluguar
17 ha plazhe private
1110 meter linear plazhe publike
Ushqime te preferuara
Prodhimet e detit
Vererat
Pijet freskuese
Shifra
400 mije pushues ne sezonin veror 2008
500 mije pushues priten kete vit
