Testet, 1600 leke per rivleresimin

Gabimet e mundshme qe do te behen nga vleresuesit e testeve do te paguhen shtrenjte nga maturantet. Keshtu, nga 400 leke qe paguanin vitet e tjera ne total, sivjet do te paguajne plot 1600 leke te rinj. Kjo, per faktin se kane ndryshuar edhe procedurat e ankimimeve, te cilat, per here te pare sivjet, do te merren parasysh. Sipas burimeve nga Agjencia e Vleresimit te Arritjeve, nese maturanteve do t'u duhet te paguajne ne fillim nje kosto prej 400 leke te reja per te mundesuar terheqjen e kopjes se testit te tyre, per rastet kur nga rishikimet e korrigjimit te bere ne kete test do te rezultojne mangesi apo parregullsi, atehere ky maturant duhet te paguaje edhe nje tjeter tarife ne vleren e 12000 lekeve. Kjo e fundit do te kete ne thelb rishikimin e plote te testit dhe pikeve te percaktuara per cdo pergjigje te dhene. Sipas rregullores se Matures Shteterore, parregullsite qe do te gjenden ne vleresimet e testeve te matures do te rishikohen nga komisione te posacme, qe do te ngrihen prane Agjencise se Vleresimit te Arritjeve te Nxenesve. Rregullorja e provimeve per 2009-n ka ndryshuar rrenjesisht procesin e ankimit te rezultateve, ndryshe nga procedurat e viteve te shkuara. Megjithate, ndryshimet e bera do te pasohen edhe me rritje te kostos financiare qe maturantet duhet te derdhin per te mundesuar jo vetem terheqjen e kopjes se testit te plotesuar, por edhe per te zyrtarizuar rishikimin e tij ne rastet e gjetjes se gabimeve te mundshme. Sipas llogaritjeve ne total, nje maturant qe te ankimoje rezultatin e provimit duhet te paguaje rreth 1600 leke per secilin nga provimet. Per kete vit ne total pohohet te jene rreth 40 mije aplikime per provimet e detyruara. Maturantet do t'i nenshtrohen provimit te pare te Matures Shteterore me 2 qershor, qe do te zgjase rreth 2 ore e gjysme. Brenda kesaj kohe maturantet duhet te japin pergjigjet per rreth 25 pyetje, te cilat jane te kombinuara me alternativa dhe me zhvillim. Sipas rregullores, cdo nxenes pjesemarres ne provimet e Matures Shteterore pas shpalljes se rezultateve te provimit, ne baze te njohjes me skemat e publikuara te vleresimit, ka te drejte te kerkoje nga AVA rivleresim te testit te tij. Per kete brenda 4 diteve pas shpalljes se rezultateve te provimit ai paraqet prane komisionit te Matures Shteterore ne shkollen e tij nje kerkese dhe mandatarketimin e pageses se nje tarife, masa dhe modalitetet e pageses te se ciles eshte percaktuar nga Ministria e Arsimit ne vleren 4 mije leke, plus tarifes tjeter qe duhet te paguajne per rishikimin.

Kur shpallen rezultatet e dyta

Pas grumbullimit, te gjitha keto kerkesa u percillen drejtorive arsimore perkatese dhe do te jene keto te fundit qe do t'i risjellin ne AVA, ku mund te behet rivleresimi. Kjo procedure duhet te kryhet brenda pese diteve nga shpallja e rezultateve te provimit, ndersa ne AVA keto kerkesa duhet te dorezohen 7 dite qe nga shpallja e rezultateve. Prane kesaj agjencie ngrihen grupet e vleresimit te testeve me vleresues te trajnuar. Rivleresimi behet me te njejtat rregulla e procedura si vleresimi i testeve, duke vazhduar te jene te sekretuara me barkode testet qe rivleresohen. Rezultatet e rivleresimit dergohen zyrtarisht nga AVA-ja prane drejtorive arsimore ne nje afat nga 15 deri 30 dite nga data e shpalljes se rezultateve te provimit dhe konsiderohen rezultate perfundimtare te nxenesve. Keto te fundit njoftojne shkollat sipas nje rendi te caktuar ne lidhje me secilen prej ankeses se bere dhe ndryshimin e rezultatit per rastet kur eshte pare e nevojshme.