Fondet e qendres se femijeve te ngujuar, nen hetim drejtoresha
E Premte, 29 Maj 2009
BERAT- Dosja hetimore per abuzimin me fondet e Qendres se Femijeve te Ngujuar, ne Polican do te kete edhe nje te akuzuar te katert. Pas ish-ministrit te Punes dhe Ceshtjeve Sociale, Kosta Barka, financierit Demir Asanbelliu dhe kreut te bordit, Ali Alushi, nen hetim do te jete edhe ish-drejtoresha e qendres, Liljana Luani. Prokuroria e Beratit beri te ditur dje lajmin per gazeten "KJ", duke e konsideruar te zbardhur kete ceshtje. Lajmi eshte konfirmuar edhe nga kreu i organit te akuzes, Xhemal Saliaj. Akuzat e ngritura nga prokuroria jane ato te "shperdorimit te detyres" dhe "vjedhjes me ane te mashtrimit dhe falsifikimit". Hetimet ndaj kater personave do te kryhen ne gjendje te lire, ndersa pritet qe dosja t'i kaloje per proces Gjykates se Beratit. Nese akuzat provohen, atehere te kater rrezikojne denimin me burg. Behet fjale per nje fond te Bankes Boterore te dhene per qendren e femijeve ne Polican, me te cilin dyshohet se eshte abuzuar. Vlera llogaritet ne 50 milione leke. Faktet treguan se femijet qe jetonin ne qender, kishin kushte skandaloze jetese dhe ushqeheshin keq.
E. Hazizolli
