Oborret ne perdorim, si te hipotekohen

Denisa xhoga

Ata qytetare qe e kane oborrin e shtepise se tyre ne perdorim duhet te aplikojne ne Zyrat rajonale te Agjencise se Kthimit Kompensimit te Pronave per t'ju kaluar ne pronesi kjo siperfaqe. Nderkohe se shpejti nisin aplikimet per kompensimin ne leke te ish-pronareve per vitin 2009.

Oborret ne perdorim

Ata qe kane shtepi private te ndertuara para viteve 90, por oborrin e kane ne perdorim dhe jo te hipotekuar duhet te aplikojne ne zyrat Rajonale te Kthimit Kompensimit te Pronave per te nisur procedurat. Sipas Drejtorit te Pergjithshem te AKKP-se, Elvis Cefa afati per kryerjen e ketyre aplikimeve eshte i hapur dhe ne vazhdimesi. Para viteve 90 shume qytetareve nga Komiteti Ekzekutiv, ose institucione te tjera te Kohes, ju eshte dhene nje siperfaqe toke dhe ju eshte lejuar te ndertojne shtepine. Keta njerez sot kane te hipotekuar shtepine, por jo oborrin rreth shtepise. Kjo pasi, ne kohen sistemit komunist askush nuk ishte pronar. Pas viteve '90 sikunder gjithe shqiptaret qe privatizuan apartamentet e tyre edhe keta privatizuan shtepine, por jo token. Jane mijera familje te cilat kane kete problem. Pjesa me e madhe e ketyre pronareve do ta paguajne token qe do t'ju jepet ne pronesi, sipas cmimit te hartes se vleres se tokes dhe ky fond do te kaloj per kompensimin e ish-pronareve.

Vendimi

Qeveria me ane te VKM-se nr.200, date 19,2.2009 "Per percaktimin e kushteve dhe per proceduren e tjetersimit te oborreve ne perdorim, per llogari te fondit te kompensimit financiar", i ka hapur rruge tashme tjetersimit te oborreve ne perdorim me qellim zhbllokimin e ngercit ligjor per kalimin de jure te ketyre siperfaqeve ne favor te poseduesve, te cilet deri ne kete moment kane qene ne pamundesi te certifikimit te pronesise se tyre. Per permbushjen e ketij procesi eshte ngarkuar ligjerisht AKKP. "Te gjitha subjektet e interesuara te paraqiten ne zyrat rajonale te AKKP ne qarqe per te formalizuar kerkesat e tyre per tjetersimin e ketyre siperfaqeve, nepermjet plotesimit te formulareve perkates", tha Cefa.

Vendimi i kompensimit ne leke, te ish-pronareve

Nderkohe keto dite pritet te hyje ne fuqi dhe te nisin aplikimet per fondin e kompensimit ne leke te ish pronareve. Ky vendim eshte miratuar nga qeveria dhe pritet te botohet ne fletore zyrtare, ne menyre qe te nisin aplikimet. Fondi i percaktuar per vitin 2009 eshte 600 milione leke. Gjate tre viteve te fundit jane trajtuar 1 461 kerkesa per kompensim financiar, jane shperndare 1.3 miliard leke ne forme kompensimi financiar per 340 pronare. "Jemi ne prag te shperndarjes se 600 milion lekeve te akorduara nga qeveria per vitin 2009", - tha Cefa.



Jane dhene:



Viti 2007 2 479 vendime

Viti 2008 4 636 vendime

Ne 5 muaj 1 093 vendime.

Ne tre vite

1461 kerkesa per kompensim financiar

340 pronare jane kompensuar



Vendimi i plote



VKM nr 200 Date 19.2.2009

Ne mbeshtetje te nenit 100 te Kushtetutes, te neneve 8, pika 3, e 23, pika 1, te ligjit nr.9235,date 29.7.2004 "Per kthimin dhe kompensimin e prones", te ndryshuar, dhe te neneve 24, shkronja "c", e 56 te ligjit nr.7843, date 13.7.1994 "Per regjistrimin e pasurive te paluajtshme", te ndryshuar, me propozimin e Ministrit te Drejtesise, Keshilli i Ministrave

Vendosi:

I. Autoriteti shteteror i autorizuar per tjetersimin e oborreve ne perdorim

1. Agjencia e Kthimit dhe Kompensimit te Pronave ngarkohet te tjetersoje, ne pronesi te pronareve te ndertimeve, oborret ne perdorim, sipas kushteve e procedurave, te percaktuara ne kete vendim.

2. Per efekte te zbatimit te ketij vendimi, me termin "Oborr ne perdorim" do te kuptohet siperfaqja e tokes, ne pronesi shteterore, ne funksion te nje ndertimi te ligjshem, ne posedim, te qete dhe pa nderprerje, te pronarit te ndertimit. Kjo siperfaqe toke perfshin token nen ndertim dhe, sipas rastit, edhe token rreth saj. Kjo siperfaqe toke duhet te rezultoje fizikisht, e lire dhe e pazene nga ndertime pa leje, sipas kuadrit ligjor perkates.

II. Kushtet per tjetersim

1. Oborret ne perdorim tjetersohen, sipas ketij vendimi, nese:

a) Brenda tyre ose ne lidhje funksionale me to gjendet ndertim:

i) i regjistruar ne regjistrat e ZRPP-se, ne pronesi te kerkuesit;

ii) i ngritur para dates 10.8.1991.

b) jane ne pronesi te shtetit, ndonese te paregjistruara si te tilla, por te patransferuara ne inventarin e pronave te organeve te qeverisjes vendore, ne perputhje me ligjin nr.8744, date 22.2.2001 "Per transferimin e pronave te paluajtshme publike te shtetit ne njesite e qeverisjes vendore", te ndryshuar.

2. Oborret ne perdorim tjetersohen, sipas ketij vendimi:

i) pa kundershperblim, ne rastin kur e drejta e pronesise mbi keto siperfaqe eshte hequr pa kompensim, per shkak te ligjeve te kohes;

ii) me kundershperblim, ne rastet e tjera. Ne keto raste, cmimi do te percaktohet sipas aneksit 1, qe i bashkelidhet ketij vendimi.

3. Oborret ne perdorim, qe do te tjetersohen sipas ketij vendimi, nuk duhet te kene qene me pare objekt kthimi nga AKKP-ja ose ish-komisionet vendore per kthimin dhe kompensimin e pronave.

4. Nuk jane objekt shqyrtimi nga AKKP-ja, sipas ketij vendimi, oborret ne perdorim, brenda te cilave ose ne lidhje funksionale me to gjendet vetem ndertim informal. Ato do te trajtohen ne perputhje me aktet ligjore e nenligjore, ne fuqi.

III. Paraqitja e kerkeses dhe e akteve provuese

1. Kerkesa plotesohet sipas modelit standard, te miratuar nga Ministri i Drejtesise.

2. Ajo paraqitet nga kerkuesi prane zyres rajonale te AKKP-se, ne juridiksionin territorial te se ciles ndodhet oborri ne perdorim, qe kerkohet per t'u tjetersuar. Kerkesa mund te paraqitet ne zyren rajonale te AKKP-se edhe nepermjet postes.

3. Bashke me kerkesen duhet te paraqiten:

a) Dokumenti per te drejten e pronesise se kerkuesit mbi ndertimin, qe gjendet brenda ose ne lidhje funksionale me oborrin ne perdorim, i leshuar nga ZRPP-ja;

b) Gentplani i oborrit ne perdorim, qe kerkohet te tjetersohet, i hartuar nga nje topograf i licencuar;

c) Dokumenti me te dhenat per gjendjen juridike te oborrit ne perdorim, qe kerkohet te tjetersohet, i leshuar nga ZRPP-ja. Me ane te ketij dokumenti provohet se oborri ne perdorim eshte ne pronesi te shtetit, ndonese i paregjistruar, dhe se nuk ben pjese ne inventarin e pronave te paluajtshme te qeverisjes vendore;

c) Dokumentet, qe provojne faktin se ndertimi, i cili gjendet brenda ose ne lidhje funksionale me oborrin ne perdorim, qe kerkohet te tjetersohet, eshte kryer perpara dates 10.8.1991. Keto dokumente mund te jene nje leje ndertimi, e leshuar nga organi pergjegjes i kohes, nje akt zyrtar, i leshuar nga arkivi teknik i ndertimit, nje akt, i nxjerre nga Arkivi Qendror i Shtetit, vendimi gjyqesor, per vertetimin e faktit te ndertimit dhe te kohes se ndertimit, aktnjoftimi perkates ose dokumente zyrtare, te leshuara nga organet e pushtetit vendor (lagjja ose rrethi), brenda kompetencave te tyre;

d) Dokumentin, qe provon pronesine e meparshme mbi oborrin ne perdorim, qe, per shkak te ligjeve te kohes, i ka kaluar ne perdorim, pa kundershperblim, nese kerkuesi aplikon per tjetersimin e tij pa kundershperblim.

4. Me paraqitjen e kerkeses paguhet edhe tarifa e sherbimit, niveli i i se ciles percaktohet sipas parashikimit te pikes 2 te nenit 11 te ligjit nr.9975, date 28.7.2008 "Per taksat kombetare".

IV. Procedura e shqyrtimit te kerkeses

1. Zyra rajonale e AKKP-se shqyrton kerkesen e paraqitur brenda 30 diteve nga data e regjistrimit te saj. Ajo verifikon dhe pohon nese kerkesa dhe dokumentacioni shoqerues permbushin kushtet e percaktuara ne ndarjen II te ketij vendimi, si dhe sakteson kufijte e oborrit ne perdorim, qe kerkohet te tjetersohet.

2. Verifikimi i kushteve behet ne baze te dokumentacionit provues, te paraqitur nga kerkuesi, dhe nepermjet inspektimit ne terren, nga ana e punonjesve te zyres rajonale. Ne rast se nga inspektimi ne terren lindin dyshime per vertetesine e dokumenteve zyrtare, qe shoqerojne kerkesen, zyra rajonale u kerkon organeve, qe i kane leshuar dokumentet, te ripohojne vertetesine e tyre. Korrespondenca behet pjese e dosjes.

3. Saktesimi i kufijve kryhet nepermjet matjeve ne terren, nese dokumentacioni teknik ligjor, i paraqitur nga kerkuesi, nuk i permban kufijte, ose nese nga krahasimi i dokumentacionit te paraqitur me rezultatet e inspektimit ne terren ka mosperputhje. Ne kete rast, zyra rajonale u referohet masave te siperfaqeve, te percaktuar ne aneksin nr.1, qe i bashkelidhet ketij vendimi, por gjithmone duke respektuar kufijte natyrore ekzistues.

4. Ne perfundim te shqyrtimit dhe brenda afatit 30-ditor, zyra rajonale ia percjell dosjen zyres qendrore te AKKP-se, se bashku me vleresimin ligjor.

5. Vleresimi ligjor duhet te permbaje:

a) Te dhenat identifikuese te kerkuesit dhe te oborrit ne perdorim, te pretenduar;

b) Analizen per permbushjen ose jo te seciles prej kushteve per tjetersim, te percaktuara ne ndarjen II, te ketij vendimi, dokumentet mbi te cilat bazohet kjo analize, si dhe veprimet procedurale, hetimore dhe verifikuese, te kryera;

c) Arsyet per te cilat jane te papranueshme dokumentet e kunderta;

c) Te dhenat e sakta per kufijte dhe masen ne m2 te oborrit ne perdorim;

d) Vleren nese tjetersimi duhet kryer me kundershperblim, sipas aneksit 2, qe i bashkelidhet ketij vendimi;

dh) Propozimin per pranimin ose jo te kerkeses, duke treguar referencen ne ligji dhe ne aktet nenligjore.

Vleresimi ligjor shoqerohet, ne cdo rast, me plan-vendosjen perkatese.

6. Zyra qendrore e AKKP-se, brenda 10 diteve nga data e mberritjes se dosjes, verifikon zbatimin e sakte te kerkesave te ketij vendimi, nga zyra rajonale e AKKP-se, ne baze te akteve te mbledhura ne dosje dhe pa kryer vete veprime verifikuese. Ne perfundim, zyra qendrore njofton kerkuesin, sipas rastit, per:

a) Te drejten e tjetersimit me shperblim dhe detyrimin per te paguar brenda 30 diteve, per llogari te AKKP-se, per fondin e kompensimit financiar, cmimin e tjetersimit, duke i treguar edhe numrin e llogarise. Ky njoftim permban nje paraqitje te kufijve, te siperfaqes ne m2 dhe te vendndodhjes se oborrit ne perdorim, te shoqeruar me planimetrine perkatese.

b) Te drejten e tjetersimit pa kundershperblim, duke i treguar kerkuesit kufijte, siperfaqen ne m2 dhe vendndodhjen e oborrit ne perdorim, shoqeruar me plan-vendosjen perkatese.

c) Mospranimin e kerkeses per tjetersim, duke arsyetuar, me shkrim, ne menyre te hollesishme kushtet, e percaktuara ne ndarjen II te ketij vendimi, qe nuk plotesohen apo provohen.

7. Nese zyra qendrore e AKKP-se nuk eshte dakord me vleresimin ligjor, te propozuar nga zyra rajonale, dhe cmon se kerkesa e paraqitur duhet zgjidhur ndryshe, paraqet, me shkrim, ne menyre te argumentuar, arsyet e mospranimit, duke percaktuar zgjidhjen perfundimtare te kerkeses, ne mbeshtetje vetem te akteve te mbledhura ne dosje, nga zyra rajonale.

8. Kerkuesi, me marrjen e njoftimit per te drejten e tjetersimit me shperblim, paguan, ne numrin e llogarise se caktuar nga AKKP-ja, per llogari te fondit te kompensimit te pronave, te krijuar sipas pikes 1 nenit 23 te ligjit nr.9235, date 29.7.2004 "Per kthimin dhe kompensimin e prones", te ndryshuar, kundervleren ne leke, te siperfaqes, qe do te tjetersohet ne pronesi te tij. Kjo pagese behet jo me vone se 30 dite nga data e marrjes se njoftimit prej AKKP-se. Shkelja e ketij afati perben shkak per mospranimin, nga AKKP-ja, te kerkeses per tjetersim.

V. Vendimi i tjetersimit

1. Drejtori i Pergjithshem i AKKP-se vendos kalimin e pronesise se oborrit ne perdorim brenda 10 diteve nga data e mberritjes se mandatit, qe verteton pagimin e vleres, ne rastin e tjetersimit me kundershperblim.

2. Drejtori i Pergjithshem i AKKP-se vendos kalimin e pronesise se oborrit ne perdorim brenda 10 diteve nga data e njoftimit te kerkuesit per te drejten e tjetersimit pa kundershperblim.

3. Forma e vendimit percaktohet sipas modeleve, te paraqitura ne aneksin 3, qe i bashkelidhet ketij vendimi.

4. Vendimi i Drejtorit te Pergjithshem i njoftohet kerkuesit dhe ZRPP-se per regjistrin.

VI. Dispozita te fundit

1. Vendimi nr.541, date 22.8.2007 i Keshillit te Ministrave "Per percaktimin e procedurave te kalimit ne pronesi te trojeve, mbi te cilat jane bere ndertime te ligjshme, para dates 10.8.1991 dhe te siperfaqeve, ne dokumentin e pronesise, per te cilat eshte bere shenimi "Oborr ne perdorim"", shfuqizohet.

2. Ne rastin e kerkesave te paraqitura prane AKKP-se, ne mbeshtetje te vendimit te siperpermendur, dhe per te cilat AKKP-ja nuk ka dhene ende vendim, deri ne daten e hyrjes ne fuqi te ketij vendimi, kerkuesit duhet te pohojne vullnetin e tyre, nepermjet nje kerkese te re, per tjetersim, te shoqeruar me dokumentet, qe nuk i kane paraqitura, apo nepermjet terheqjes me shkrim te kerkeses se pare. Ne rast te terheqjes se kerkeses, AKKP-ja vendos mospranimin e saj, per kete shkak.

3. Ne rast se AKKP-ja ka vendosur mospranimin e kerkeses per tjetersim, ne mbeshtetje te vendimit nr.541 date 22.8.2007 te Keshillit te Ministrave, per shkak te mospagimit te cmimit nga kerkuesi, atehere kerkuesi mund t'i drejtohet AKKP-se me kerkese te re, ne perputhje me percaktimet e ketij vendimi.

4. Ngarkohen Ministria e Drejtesise, Agjencia e Kthimit dhe Kompensimit te Pronave dhe Zyra Qendrore e Regjistrimit te Pasurive te Paluajtshme per zbatimin e ketij vendimi.

Ky vendim hyn ne fuqi pas botimit ne Fletoren Zyrtare.

Kryeministri

Sali Berisha