AVA, aty ku hartohet fati i maturanteve

"Te ngujuarit" do te kryejne te gjitha funksionet jetesore brenda zyrave te agjencise

Eshte ora 13.00 dhe hartuesit e testeve kane shume uri. Por, sapo e kane shprehur dicka te tille, menjehere ne zyrat e AVA-s ka mberritur nje djalosh me nje makine tip "Caddy", i cili ka sjelle ushqim te paketuar per te gjithe. Djaloshi ngjit shkallet shpejt e shpejt dhe uria e specialisteve shuhet. Nderkohe, forcat policore jane te pranishmet ne cdo mjedis te Agjencise se Vleresimit te Arritjeve. Njeri prej tyre eshte vendosur ne rolin e recepsionistit, ndersa nje tjeter "patrullon", ne godinen qe ndodhet tek "Rruga e Kavajes".

Ngujimi

Pikerisht ajo godine modeste, ne formen e nje vile, do te jete "shtepia" e re e specialisteve te ngujuar. Sikurse mesohet, frigoriferi ka zene vend ne katin e dyte te godines se AVA-s, ndersa edhe krevatet jane sjelle nga shtepite e specialisteve. Teksa hyn ne korridorin e godines se Agjencise se Vleresimit te Arritjeve, ku gjendet edhe godina e Institutit te Kurrikulave dhe Trajnimit, nje polic kujdeset qe asnjeri te mos ngjitet lart ne katin e dyte, ku ndodh "ngujimi". Askush nga duhet ta kaloje pragun e deres ku hartohet "fati", i mijera e mijera maturanteve. "Eshte urdher i prere qe asnjeri te mos futet ne mjediset e kesaj agjencie. Gjithcka duhet realizuar ne fshehtesi te plote, ne menyre qe te mos aludohet per ndonje komunikim kunder rregullores", thone burime nga AVA, te cilat nuk jane ngujuar bashke me te tjeret. Sa i perket ushqimit, ai sigurohet nga nje restorant me te cilin AVA, ka nenshkruar nje kontrate te posacme. Nderkaq, mesohet se do te ndalohet kategorikisht mbajtja e telefonave celulare, i telefonave fiks, si dhe do te ndalohet interneti.

Komunikimi

Elementi me i rendesishem i ketij "ngujimi", qe te bie ne sy sapo kapercen pragun kryesor te AVA-s, eshte mungesa e cdo lloj komunikimi te specialisteve apo edhe punonjesve logjistike, me boten e jashtme. Rrjetat e telta te vena neper dritare jane aq te imeta, sa nuk ekziston asnje lloj mundesie qe ndokush prej punonjesve te "ngujuar" te informoje ndonje te aferm apo tjeter, te interesuar ne lidhje me permbajtjen e testit te Letersise. Ndersa dera kryesore e katit te dyte do te ruhet nga nje polic. "Ne kete menyre, eshte vendosur shmangia e cdo lloj mundesie kontakti mes punonjesve, qe do te banojne per nje jave ne AVA dhe botes se jashtme", sigurojne burime nga Ministria e Arsimit dhe Shkences, duke cituar edhe rregulloren e Matures Shteterore. Sipas kesaj te fundit, per asnje motiv 20 punonjesit e "ngujuar" ne AVA, nuk duhet as te zbresin ne katin e pare dhe as te ngjiten ne te tretin. Nese e bejne nje gje te tille, apo tentojne te komunikojne me persona te tjere te paautorizuar, atehere pasojat do te shkojne deri ne ndjekje penale.

Banesat e reja, si do te funksionojne per 1 jave

Jane disa dhoma qe do te jene ne dispozicion te hartuesve te testeve. Ato jane te pergatitura per te qene te pershtatshme, per te banuar gjate nje periudhe 1-javore. Krevatet, hartuesit e testeve i kane siguruar vete. Cdonjeri ka blere posacerisht krevat portativ, nje tjeter ka sjelle krevat tradicional nga shtepia, e te tjeter ndoshta s'do ta kene bezdi qe te flene ne karrige, perballe kompjuterit te punes. Ndersa, per sa i perket ngrenies, AVA ka lidhur nje kontrate per 3 vaktet e ngrenies, sipas nje diete te plotesuar me te gjitha nevojat, per nje ushqim sa me te shendetshem. Sherbimi "catering" do te jete i ofruar nga nje restorant, i cili do te plotesoje kerkesat e cdonjerit prej punonjesve per ngrenie. Nje mase tjeter qe eshte marre nga ana e drejtuesve te MASH apo Agjencise se Vleresimit te Arritjeve, ka qene "zhdukja" e cdo lloj mjeti tjeter komunikimi. Keshtu, ne kompjuteret e hartuesve te testit te Letersise nuk do te kete internet, telefonat nuk do te kene linje, ndersa celularet nuk do te lejohen ne asnje menyre. Pikerisht masa te tilla i izolojne teresisht specialistet, nga bota e jashtme.

Testet, si do te veprohet per hartimin e tyre

Pervec specialisteve lendore, ne AVA ka edhe te ngujuar qe do te merren me proceset e metejshme. Behet fjale per ato te formatimit, te printimit me lidhjen e testeve ne broshura, me paketimin e testeve, me bar-kodet si dhe me te gjitha elementet e nevojshme per zhvillimin e provimit. "Pra jane nje sere procedurash qe fillojne me procesin e hartimit te testeve, qe eshte thjesht nje proces teknik i specialisteve te lendes dhe kalojme ne te gjitha proceset e tjera, qe finalizohen ne shperndarjen e kutive te provimit, duke filluar qe nga mesnata e dates 1, duke u gdhire 2 qershori", thone burime nga MASH. Me pas, kutite e vulosura merren nga perfaqesuesit e Drejtorive Rajonale Arsimore dhe Zyrave Arsimore ne cdo rreth, te shoqeruara nga forcat e policise dhe cohen ne cdo rreth, ne kushtet e sigurise se larte. Me pas, ato shperndahen ne mjediset ku do te zhvillohet provimi dhe hapja e tyre behet ne oren e percaktuar per provim ne oren 09.00 te dates 2 qershor. Aty ku mbaron nje pjese e madhe e punes per specialistet e AVA-s (te pakten perkohesisht), nis ankthi i maturanteve. Fati i tyre i metejshem lidhet me cdo provim me detyrim dhe me zgjedhje, qe do te japin gjate Veres se sivjetme.

Si te llogariten piket paraprakisht

Sipas drejtorit te AVA-s, nota mesatare e 4 viteve te shkolles, nota e provimit te detyruar te Letersise dhe nota e provimit te detyruar te Matematikes, do te shumezohen me nje koeficient sipas tipit te shkolles se mesme qe ka frekuentuar aplikanti. Rezultatet e provimeve me zgjedhje shumezohen me nje tjeter koeficient, qe ka te beje me lenden e zgjedhur qe jep aplikanti.

Sallat e korrigjimit ne rrethe

Per sa i perket anes teknike, ne secilin prej rretheve ku do te kete qendra korrigjimi, do te kete nga dy drejtues teknike, sepse mendohet te kete dy salla korrigjimi. Ndersa ne Tirane do te kete 6 drejtues teknike. Ata do te punojne ne menyre te pavarur per korrigjimin e cdo testi dhe do te luajne rolin e personit korrigjues numer tre, ne rast se do te kete diskordance ne procesin e vleresimit te nje testi, midis dy vleresuesve.

"Ngujimi" nisi me kaos

Ka nisur me kaos dhe probleme, ngujimi i specialisteve qe do te hartojne tezen e provimit te Letersise. Deri ne mesditen e dy diteve me pare, ata nuk kane mundur te nisin punen per shkak te mungeses se policise. Kjo ndodhi per shkak se policia ishte e angazhuar ne aktivitete te tjera, gjate kohes qe duhet te niste punen per sigurimin e qendres, ku hartohen testet e Matures Shteterore.