Sivjet, me shume specialiste te ngujuar
E Merkure, 27 Maj 2009
Nga 17 specialiste qe u "ngujuan" vitin e kaluar, sivjet do te "ngujohen" 20 te tille. Nga ana tjeter, do te jene vetem dy ata qe do te hartojne tezat. Sipas burimeve nga AVA, ky numer eshte i mjaftueshem, edhe pse fondi i pyetjeve eshte shume i madh. Ata do te punojne grupe-grupe, sepse per cdo pyetje qe do te perzgjedhin do te konsultohen me njeri-tjetrin. Perzgjedhja e pyetjeve nuk do te behet ne menyre te rastesishme, por ne saje te marreveshjeve qe do te arrijne hartuesit e testeve. Gjithashtu, mesohet se po 20 hartues specialiste do te punojne edhe per hartimin e testit te Matematikes. Duke qene se gjate vitit te kaluar eshte futur edhe lloji i pyetjeve me zhvillim, specialisteve do t'u duhet te punojne me shume dhe te vene logjiken ne pune, per t'i hartuar testet ne menyre objektive dhe aspak abuzive. Keshtu, ata do te bejne nje test, qe te permbaje ato gjera qe jane mesuar ne shkolle te mesme, si dhe te nxjerrin ne pah intuiten e nxenesit.
Trajnime per hartuesit dhe vleresuesit
Paralelisht me pergatitjet e AVA-s, Drejtoria Arsimore e Tiranes por edhe Agjencia Qendrore e Vleresimit te Arritjeve, po kryen trajnime per hartuesit e testeve dhe vleresuesit e tyre. Gjithashtu, nje gje e tille po aplikohet edhe me administratoret e provimeve. Kjo, ne menyre qe gjithcka te shkoje sipas parashikimeve ne rregulloren e Matures Shteterore.
Nga hartimi, deri tek paketimi i testeve
Sipas burimeve nga AVA, kjo agjenci do te kujdeset per te gjitha procedurat. Pra, behet fjale qe nga hartimi i testit te Letersise, printimi i kopjeve, e deri tek paketimi i tyre. Ne momentin kur testet te jene gati, ato dergohen ne Ministrine e Arsimit dhe te Shkences, per t'u perzgjedhur nga nje specialist i caktuar posacerisht per kete proces, ne kushtet e ruajtjes se plote te sekretit. Nxjerrja e sekretit do te linte pasoja tek cdonjeri prej specialisteve, qe kane marre pjese ne hartim, apo edhe tek ata qe e shperndajne.
