Matura, neser ngujimi per Letersine

Luljeta Ndoka

Nisin neser pergatitjet per hartimin e testit te Letersise. Burime nga Agjencia Qendrore e Vleresimit te Arritjeve thone se duke filluar qe nga dita e neserme, per rreth nje jave, 20 specialiste do te kene per "shtepi" ambientet e AVA-s. Aty do te hane, do te pine, do te flene dhe c'eshte me e rendesishmja, do te punojne. Ashtu si cdo vit, hartuesit e tezave se bashku me punonjesit e tjere te AVA-s, nuk do te lejohen te kene asnje mundesi komunikimi si per shembull: celulare apo internet, nderkohe qe do te ruhen nga forca te policise.

Hartuesit

Sipas drejtorit te Arsimit Parauniversitar ne MASH, Fatmir Vejsiu, hartuesit e tezave jane dy mesues shkolle, qe do te zgjidhen nga ministri i Arsimit, Fatos Beja. Nderkaq, behet e ditur se numri i te ngujuarve shkon ne 20 persona, te cilet jane perzgjedhur ne baze te disa kritereve. "Edhe pse do te mbarojne punen ne diten e pare te futjes brenda ne ambientet e AVA-s, ata do te dalin vetem pasi te jete shpallur e te jete hapur testi ne mjediset publike, pra ne shkolla", thote Vejsiu. Sa i perket kritereve mbi te cilat eshte bazuar per te zgjedhur hartuesit e tezave, Vejsiu permend kater fjale: "Aftesi, pervoje, seriozitet dhe ndershmeri". E nderkohe kete vit ndryshe nga heret e tjera, maturantet kane te drejten te kerkojne rivleresim te tezave te tyre, te cilat do te behen nga komisione te posacme qe do te ngrihen prane AVA-s. Hartuesit e testit te Letersise per Maturen Shteterore, te ketij viti jane mesues dhe nuk kane konflikt interesi. Ata do te perzgjedhin 25 pyetje te ndryshme nga 250 qe jane tashme gati, per 5 teste, te cilat do t'u jepen maturanteve ne daten 2 qershor.

Pyetjet

Si rregull eshte qe hartuesit te kene ne dispozicion 10-fishin e numrit te pyetjeve qe parashikon nje test. Por, duhet pasur parasysh se do te pergatiten nje sere modele testesh, nga te cilat vetem njeri do te jete objekt i provimit te Letersise per maturantet. Pasi te pergatiten qe te gjitha modelet, nje specialist i Ministrise se Arsimit dhe Shkences perzgjedh testin qe i duket me i pershtatshem, ose nje gje te tille e ben ne menyre te rastesishme. Hartuesit e testit duhet te dalin nga "ngujimi", vetem dy ore pasi te gjithe maturantet te jene futur neper salla per t'iu nenshtruar provimit. Kjo ne menyre qe te sigurohet perfundimisht "izolimi" i komunikimit te hartuesve te testeve me njerez te jashtem, te cilet do te dekonspironin permbajtjen e pyetjeve te testeve. Kostoja psikologjike dhe fizike eshte e madhe, ndaj Ministria e Arsimit dhe e Shkences ka planifikuar nje fond te vecante ne buxhetin e tij, ne menyre qe te shperbleje specialistet. Vjet, ky shperblim ka qene i barabarte me dy paga mujore. Ndersa per shperblimin e ketij viti ende eshte heret te flasesh, per shkak se ai vendoset pasi hartuesit te dalin nga "ngujimi".