Enada At' Nikolla, sfilate ne Sarajeve

Ngjyra, glamur, stil, gjithcka qe e ben sensuale nje femer ne stinen e nxehte ne plazh. Kete ndjesi provokojne modelet qe ngjiten ne pasarele, ne koleksionin Pranvere-Vere 2009, te stilistes Enada At'Nikolla, prezantuar ne Javen e Modes ne Sarajeve.

Kapricon e radhes, e perbejne bikinit shumengjyreshe, te punuara me gure, nje kostum qe mund ta shoqerosh edhe me nje shall mendafshi te bardhe, te lidhur ne koke.

Kete here modelet sfilojne ne shoqerine e nje druri bambuje, si per te na kujtuar plazhet ekzotike te Brazilit e Kubes. Ne kete koleksion nuk mund te mos vecohen edhe fustanet: te grupuar ne copa me vija, me aplikacione e kapele, punuar ne linje te zhdervjellte; apo nje trio fustanesh te kuq te shkurter, te stiluar me tyl e pende, qe te kujtojne kercimet Carleston. Pas plazhit, gjate nje mbremjeje shik, duhet nje fustan sensual. Ishte pikerisht kjo, ajo qe evidentuan tri modelet qe sfiluan me fustanet e zinj prej tyli, punuar me xhufka, per te mbuluar dhe zbuluar njeheresh hiret e femres. Stilistja At'Nikolla, surprizoi ne fund te sfilates me nje fustan te zi nuseje, i cili mori shume duartrokitje ne pasarele.

Java e Modes ne kryeqytetin e Bosnje-Hercegovines, Sarajeve, u mbeshtet nga fondacioni gjerman "GTZ". Pergjate nje jave prezantuan krijimet e tyre te modes, stilistet profesioniste shqiptare Enada At' Nikolla dhe Silvana Nini, si dhe stiliste nga Maqedonia, Serbia dhe Bosnje-Hercegovina.