Jurgeni, zbulimi me i ri i spektaklit shqiptar

Java e tete e spektaklit "Akademia e Yjeve" ka sjelle nje performance te shkelqyer te moderatores Zana Cela, e cila gjate javeve te spektaklit eshte paraqitur me nje look sharmant dhe tejet profesional ne prezantimin e shkolles me te famshme ne Shqiperi. Mes duartrokitjeve, ajo ka ftuar telespektatoret te ndiqnin preferencat e tyre ne lidhje me konkurrentet duke ndjekur top-listen. Ne krye te saj eshte vendosur Adela, e pasuar nga Fiorela, Elhajda dhe Artesi, nderkohe qe vendet e fundit jane zene nga Patriku, Ardita dhe Elda. Nje renditje e kontestuar nga Artesi, e cila gjate gjithe javes ka kerkuar te sfidoje Adelen, duke menduar se ka vlera me supreme se ajo. Spektakli vijon me supersfiden mes dy balerinave me dy zhanret qe jane kali i tyre i betejes, hip-hopi dhe baleti klasik. Ne dy pjese te mrekullueshme vajzat kane treguar supremaci interpretimi, duke perftuar dhe komplimentet e pedagogeve te tyre, Enada Hoxhes dhe Gerti Vasos. Profesoreshe Enada eshte shprehur: "Njera balerine me e mire se tjetra. Jam e surprizuar nga ky spektakel qe sollet sot. Sipas mendimit tim, pak me lart eshte Adela". Profesor Tani ka vecuar se Artesi ka stilin e vet te vecante, nderkohe qe Adela si balerine klasike ka kercyer me te vertete shume mire zhanrin hip-hop. Gerti Vaso ka mbeshtetur mendimin e Enades, duke u shprehur se dhe per te nje plus ka Adela dhe ka vecuar mes dy djemve Jurgenin. Ne fakt, te gjithe te pranishmit i ka cuditur performanca e shkelqyer e Jurgenit, i cili ne naten e tete te spektaklit ka treguar nje supremaci skenike, rrjedhshmeri dhe shume elegance.

Spektakli ka vijuar me disiplinen e kantos. Nita dhe Ardita kane sjelle ne skenen e "Akademise se Yjeve" dy kenge te mrekullueshme. Nita ne zhanrin rok qe eshte dhe tendenca e saj, duke sjelle ne skene nje kenge te Anastasias dhe Ardita nje kenge te italianes Mia Martini. Megjithese ka qene nje jave e mbushur me kontradikta per rrok-eren kosovare, ajo ka interpretuar shume mire duke merituar dhe duartrokitjet e publikut. Por edhe Ardita ka percjelle me shume emocion kengen e famshme italiane, ku flitet per meshkujt qe nuk ndryshojne ne lidhje me dashurine e tyre ndaj femrave.

Mimoza Ahmeti eshte shprehur se te dyja kenget jane te ndryshme ne zhanrin e tyre per t'u gjykuar, ndaj dhe i duket detyre e veshtire per te gjykuar. "Ardita ka ecuri ne interpretim, por perzgjedh Niten sepse me duket kengetare tip", tha thene ajo.

Kompozitori Pirro Cako eshte shprehur se te dyja vajzat jane interesante. Kerkeses se drejtueses Zana Cela, se cfare kenge do mund t'i kompozonte ai ketyre kengetareve te reja kur te futeshin ne tregun e muzikes, ai u shpreh se Ardites do i shkruante nje balade te thjeshte, nderkohe qe Nites nje kenge energjike qe do i pershtatej me natyren dhe zerin e gjalle.

Diana Ziu nuk i kurseu as kete radhe kritikat ndaj konkurrenteve, duke u shprehur se ne interpretimin e dy vajzave nuk ka dalluar ritmike dhe timber. Sipas saj, vajzat duhet te kishin zgjedhur repertor tjeter.

Profesor Sokoli eshte shprehur se perfektja nuk mund te arrihet asnjehere dhe ai pergezon Arditen per hapat gjigante qe ka bere ne interpretim gjate ketyre javeve, nderkohe qe per te Nita ishte brenda performances se saj te perhershme skenike. Kristi Popa eshte shprehur se repertori ka qene i veshtire dhe per kete performance sipas tij nje plus me shume e meritonte Ardita.

E marrin fjalen perfaqesuesit e bankes BKT, te cilet pergezojne Zana Celen per spektaklin, duke u shprehur se jane te lumtur qe kane mbeshtetur kete projekt rinor qe pergatit talente per te ardhmen. Dhe ne fakt moderatorja e emisionit Zana Cela, gjen rastin te permende ecurine e mire te spektaklit qe ka marre permasa gjigante, duke e merituar te transmetohet ne 5 kanale te rendesishme shqiptare: Klan, Klan Kosova, Norba, BBF, Alsat Maqedoni.

Vazhdon spektakli me sfiden e baletit, ku perseri katershja Adela-Jurgen Artes-Silvester sjell ne skene nje tango romantike. Enada Hoxha, pas performimit te katershes se konkurrenteve u shpreh: "Jam shume e kenaqur me interpretimin. Vertet shkelqyer. Jurgeni interpretoi shume bukur. Artesi gjithashtu. Nuk kam cfare them per Adelen". Sipas vleresimit te saj, vendin e pare e meritonte Adela, me pas Artesi, Jurgeni dhe Silvestri. Mimoza Ahmeti ka verejtur se partneri nuk i eshte pergjigjur sic duhet Artesit dhe kjo e ka penguar disi performancen e saj. Nje plus per Adelen dhe Jurgenin qe per here te pare kane ndryshuar ritin e partneritetit te tyre.

Sfida e fundit i ka takuar Elhaides dhe Fioreles me kengen "Come saprei" te Giorgias. Nje interpretim qe kompozitorja Diana Ziu e ka komplimentuar, duke i quajtur te dyja vajzat elementet me te mira te Akademise se Yjeve. Edhe kompozitori Pirro Cako ka mbeshtetur mendimin e Dianes, duke verejtur ama se Elhaida ka pasur ca probleme.

Me pas salla eshte pushtuar nga nje kolazh hip-hop-i, ku te gjithe balerinet e Akademise, edhe ato qe jane eliminuar nga gara ne javet e meparshme kane performuar ne menyre te mrekullueshme koreografine e profesor Tanit. Duke e ngjitur spektaklin ne nivelet me te larta boterore me interpretime dinjitoze dhe super profesionale.

Sfidat i kane fituar perkatesisht: Artesi, Jurgeni, Nita, Adela, Silvestri dhe Fiorela, duke bere fitimtare perseri skuadren e kuqe. I ka takuar kesaj te fundit zgjedhja e konkurrenteve qe duhet te largoheshin nga Akademia dhe pas propozimit te Gjoanines, Labinotit dhe Ardites, eliminohet Ardita qe nuk shpeton as fale votes se profesoreve.

Largimi i Ardites

Nje eliminim qe ka emocionuar te gjithe pjesemarresit e Akademise. Ardita eshte nxenese ne nje nga gjimnazet e Tiranes, nje vajze e shkelqyer me mesime qe ka si hobi kengen. Eshte dalluar gjate gjithe kesaj kohe per diskutimet e saja te pjekura ne debate dhe eshte lakuar per ngritjen profesionale ne interpretim gjate javeve te fundit te Akademise. Ka qene nje eliminim shume emocionues per te gjithe stafin, sepse Ardita ishte nje nga vajzat me te dashura per konkurrentet e Akademise. Por ajo do te vazhdoje te marre pjese ne kualifikimin e saj, fale rregullit te ri te vendosur nga profesoret.

Zbulimi i spektaklit shqiptar

Ne supersfiden mes Adeles dhe Artesit, padyshim qe ka pasur dhe nje sfide tjeter; ajo mes Silvestrit dhe Jurgenit. Balerini ka shfaqur nje performance te shkelqyer gjate nates se tete te Akademise. Shume elegance dhe mjeshteri eshte treguar prej tij, duke e fituar ai duelin e "heshtur" me Silvestrin. Dje ka qene nata e fitores se tij, edhe pse te dy kane merituar vleresimin e publikut.