Demokristianet italiane, ndihme "Polit te Lirise"
E Diele, 22 Shkurt 2009
Kreu i Partise Demokristiane, Nard Ndoka, u ankua dje tek perfaqesuesit e Unionit Demokristian Italian, mbi situaten politike ne vend dhe pazaret qe sipas tij po bejne dy partite e medha PD-PS. Gjate nje takimi me perfaqesuesit e delegacionit te UDC-se ne Itali, te cilet ndodhen per nje vizite zyrtare ne vendin tone, Ndoka shprehu rezervat e tij per situaten parazgjedhore. Ndoka permendi merakun e vjeter, te perjashtimit te partive te vogla politike nga procesi i administrimit te votes, si dhe per veshtiresite e tjera qe sipas tij, po u krijohen forcave politike qe nuk duan dhe nuk mund t'i nenshtrohen diktatit te dy partive te vjetra. "Bisedova me perfaqesuesin e demokristianeve Italiane, Luigi Barufi per levizjen re politike te PDK-se, Polin e Lirise, si nje bashkim elektoral i disa forcave politike te djathta dhe te qendres se djathte, qe perfaqesojne te djathten e vertete ne Shqiperi dhe per mbeshtetjen e gjere qe po gjen ky grupim politik ne elektoratin shqiptar", u shpreh Ndoka. Nga ana e tij, Barufi garantoi per mbeshtetjen e Unionit Demokristian Italian me eksperte per programin elektoral dhe aspekte te tjera te fushates zgjedhore. Demokristianet italiane, nepermjet eksperteve dhe vezhguesve te tyre do te monitorojne cdo aspekt te fushates zgjedhore dhe te procesit te votimit. Kjo sipas Ndokes, perben nje ndihme jashtezakonisht te rendesishme per PDK-ne. Ndoka falenderoi miqte demokristiane italiane per mbeshtetjen qe kane dhene dhe po japin per prezantimin dhe anetaresimin PDK-se ne PPE, ku aderojne partite kryesore demokristiane te Evropes.
