Topi, dekorata per ata qe rrezuan simbolet
E Shtune, 21 Shkurt 2009
Presidenti Topi, diten e djeshme dekoroi personalitete dhe institucione, me kontribut te vecante ne rrezimin e simboleve te komunizmit ne Shqiperi. Keshtu ne nje ceremoni te mbajtur ne Pallatin e Brigadave, presidenti Topi i dorezoi Sindikatave te Pavarura te Shqiperise "Medaljen e Arte te Shqiponjes" me motivacionin: "Per kontribut te cmuar ne Levizjen Demokratike dhe vecanerisht, ne protesten e qytetareve te Tiranes me 20 Shkurt 1991, per permbysjen e simboleve komuniste, si moment i rendesishem ne ndryshimet progresive ne vend". Po dje, Presidenti nderoi me "Medaljen e Mirenjohjes", Qendren Shqiptare per Rehabilitimin e Viktimave te Traumes dhe te Torturave. Po keshtu me motivacionin "Per kurajon dhe guximin qytetar te treguar, si pjesetar aktiv i protestes se popullit te Tiranes, te 20 shkurtit 1991, per permbysjen e simboleve komuniste, si moment i rendesishem ne Levizjen Demokratike", Presidenti Topi i akordoi z. Saimir Reshit Maloku "Medaljen e Arte te Shqiponjes". Ne ceremonine e djeshme, Presidenti Topi, nderoi me Medaljen "Pishtar i Demokracise", Hyget Boroven, Lida Bezhani, Liliana Llapaj, Lindita Hamiti, Astrit Hatellari, Sanije Vojka, Albert Risilia, si dhe Vera Rada me motivacionin: "Per kurajon dhe guximin qytetar te treguar ne rrezimin e simboleve komuniste me 20 Shkurt 1991 dhe ne fitoren e demokracise ne Shqiperi". Me te njejtin motivacion, me "Medaljen e Mirenjohjes" u dekoruan nga Presidenti Topi, Ardian Heta, Xhovalin Cokani dhe Hajredin Fratari.
