Shteti i ri shqyrton vendosjen e embargos per Serbine dhe Bosnjen
E Merkure, 04 Shkurt 2009
Qeveria e Kosoves, deri ne fillim te javes se ardhshme, do te marre nje vendim se si do te veproje ne lidhje me embargon qe Serbia dhe Bosnja e Hercegovina ua kane vene, kohe me pare, produkteve kosovare. Keshtu beri te ditur ministri per Tregti dhe Industri, Lutfi Zharku, gjate nje seance te Komisionit per Ekonomi, Tregti, Industri, Energjetike, Transport dhe Telekomunikacion te Kuvendit te Kosoves. Ai tha se brenda kesaj periudhe, ekzekutivi kosovar do te zhvilloje konsulta me partneret nderkombetare per t'i shikuar mundesite se cfare masash reciprociteti, te cilat parashihen dhe me Marreveshjen per Tregti te Lire te Evropes Qendrore - CEFTA, mund te marre Kosova si pale nenshkruese. "Te gjitha aktivitetet tona kane qene ne perputhje te plote me partneret nderkombetare dhe kemi nje perkrahje te madhe. Une besoj se gjate kesaj jave, apo ne fillim te javes se ardhshme, do te sqarojme situaten edhe me tutje dhe do te kemi pasqyre me te qarte per hapat qe do te ndermarre Qeveria per masat eventuale - masat e reciprocitetit", tha Zharku. Perfaqesues te partive opozitare ne Kosove, anetare te Komisionit Parlamentar per Ekonomi, Tregti, Industri, Energjetike, Transport dhe Telekomunikacion kerkuan qe Qeveria e Kosoves t'i marre masat e reciprocitetit ndaj Serbise dhe Bosnje e Hercegovines. Perfaqesuesi i Aleances per Ardhmerine e Kosoves, Ethem Ceku, tha se Kosova si shtet duhet te ndermarre masa reciprociteti ndaj vendeve qe kane bllokuar produktet kosovare. "Edhe pse ne aspektin ekonomik ne nuk jemi ne gjendje, por ne qofte se Serbia plason mall deri ne 200 milione euro ne vit ne tregun kosovar dhe produktet e saj hyjne ne Kosove dhe e perdor Kosoven si treg, atehere ne duhet te vendosim politika, te cilat e bejne Serbine te disiplinuar ne raport me biznesin tone", konsideroi Ceku.
POLITIKA
Perfaqesuesi i Lidhjes Demokratike te Dardanise, Berim Ramosaj, deklaroi se Qeveria e Kosoves duhet te krijoje nje politike me pro-aktive edhe ne drejtim te ndryshimit eventual te Marreveshjes se CEFTA-s, gje qe, sipas tij, mund te behet permes anekseve ose neneve te ndryshme.
TE DHENAT
Te dhenat e Ministrise se Tregtise tregojne se ne vitin 2007 ne Kosove ka pasur nje import prej 220 milione eurosh, ndersa nje eksport prej 9, 5 milione eurosh, kurse, sipas te dhenave per vitin 2008, ne Kosove jane importuar 148 milione euro dhe jane eksportuar 7, 5 milione eurosh.
MARREDHENIET
Me 16 dhjetor, Ministria e Tregtise dhe Industrise kishte njoftuar Sekretariatin e CEFTA-s, i cili ne pergjigjen e tij drejtuar ministrise e ka vleresuar si ceshtje politike problemin e adresuar, duke theksuar se si i tille nuk mund te zgjidhet ne nivel te sekretariateve.
