Dade: Berisha duhet te jape doreheqjen urgjent
E Diele, 19 Tetor 2008
Largimi i kryeministrit Berisha duket se tashme eshte bere pjese e strategjise politike te Partise Socialiste. Sekretarja per marredheniet nderkombetare ne PS, Arta Dade ka perseritur se kryeministri Berisha duhet te jape doreheqjen, duke numeruar nder arsyet edhe reagimet e forta te ambasades amerikane, ndersa nuk ka saktesuar nese vete opozita do te ndermarre nje mocion mosbesimi ndaj tij. "Berisha duhet te heqe dore nga dy nismat e fundit, ate te komisionit hetimore parlamentare dhe hetimit nderkombetar per ceshtjen "Damir Fazllic", qe cenojne pavaresine e Prokurorise", deklaroi Dade. Sipas saj, Berisha duhet te kishte dhene doreheqjen menjehere pas Gerdecit dhe "meqe kryeministri yne nuk e beri, atehere duhet te largohet tani per te shpetuar edhe Partine Demokratike, por edhe per te shpetuar Shqiperine". Lidhur me kritikat e fuqishme qe erdhen nga ana e perfaqesuesve te Komunitetit Euroatlantik, Dade tha se duhet te kete nje reflektim nga vete Berisha dhe te ndalet ne hapat e tij thellesisht te gabuara per te krijuar nje Komision Parlamentar investigativ per Prokurorine, por edhe thirrja qe ben per te pasur nje trup nderkombetar per te mbikeqyrur Prokurorine Shqiptare. Dade shpreson se Berisha te jete terhequr nga keto dy praktika antidemokratike dhe antikushtetues. Per sekretaren e PS, pas deklaratave te nderkombetareve, mund te kete dhe levizje brenda PD. "Shpresoj qe brenda PD-se te kete nje levizje per te shpetuar partine e tyre, por edhe vendin nga keto dukuri shqetesuese dhe negative qe na largojne nga ato struktura, ku ne synojme te integrohemi" tha Dade.
