"Argjiro 2008". 10 ansamble nga 7 vende te Evropes

Rreth 350 artiste nga shtate vende te Europes jane protagonistet e edicionit te pare te Festivalit Floklorik Nderkombetar "Argjiro 2008", qe u cel mbremjen e se shtunes ne "Bashtene e Teqese", ne zonen muzelae te qytetit te gurte te Gjirokastres. Artistet e 10 ansambleve muzikore nga Shqiperia, Italia, Kroacia, Maqedoni, Mali i Zi, Greqia dhe Kosova, pjesemarrese ne kete festival te organizuar nga bashkia e Gjirokastres, u ngjiten ne skenen e odeonit koncertor, per te qene pjese e parades tradicionale ne diten e pare te festivalit. Udheheqesi artistik i ketij festivali, Ermir Dizdari, u shpreh se "kjo zgjedhje eshte ndermarre per t'iu permbajtur me fanatizem tradites se hershme te festivaleve folklorike te gershetuara me mikpritjen e ngrohte gjirokastrite". Sipas tij, ky aktivitet eshte organizimi me i perkryer gjate viteve te fundit, ku rreth 350 artiste do te performojne per tre dite me radhe repertorin e tyre te zgjedhur. Ne naten e pare te ketij festivali folklorik interpretuan ansamblet muzikore nga Shqiperia, Greqia, Maqedonia, Kosova, Greqia, si dhe arbereshet e Italise. Ansambli "Burimet e Sharrit" nga Tetova e Maqedonise, nje nder ansamblet me te degjuara ne trevat shqiptare, u mireprit nga publiku vendas me variacionet e tyre burimore instrumentale, ku dominonin daullja dhe ciftelia, dy prej instrumenteve origjinale te zones se Sharrit (Maqedoni). Te veshur me kostumet tradicionale, valltaret e ansamblit grek te Janines "Enosi Konicitou", sollen per publikun koreografi nga repertori i hershem i zones veriore te Greqise. Bazuar ne traditen e hershme te valles dyshe, ansambli grek tregoi vlerat e verteta te nje folku qe nuk njeh kufi.