"Kur poezia shqiptare dhe ajo boterore, takohen natyrshem"
E Hene, 29 Shtator 2008
"Poeteka eshte nje veprimtari qe i siguron kultures shqiptare nje vleresim te rendesishem edhe ne arenen evropiane". Keshtu u shpreh dje poeti Primo Shllaku, pjesemarres ne edicionin e kater te Festivalit Nderkombetar te Poezise "Poeteka", qe po zhvillohet ne qytetin bregdetar te Durresit. Gjate nje interviste per Atsh-ne poeti Primo Shllaku vlereson festivalin e poezise "Poeteka", i cili do te mbyllet sot ne mbremje ne qytetin e Durresit. "Sot te ne shkruhet nje letersi avangarde dhe shume e rendesishme, por ajo mbetet ende e paevidentuar ne vlerat, entitetin dhe substancen e saj, pasi Shqiperia mesa duket eshte e denuar te mbetet pa kritike edhe per disa dhjetevjecare", shprehet Shllaku. Ai thekson se dy muaj me pare ka marre pjese ne Festivalin poetik te Lodeves, prane Marsejes (France), ne te cilin ka pasur nje pjesemarrje poetesh te perafert me edicionin e katert te "Poetekes" ne Durres. "Kam te njejten ndjesi si ne Festivalin francez te poezise, shprehet Shllaku, duke pergezuar organizatorin e poetekes Arjan Leka, i cili sipas tij ia ka arritur te krijoje nje format me te cilin poezia shqiptare dhe ajo boterore takohen natyrshem.
"Ndoshta eshte e nevojshme qe prane festivalit te afrohen edhe qytetaret e pasionuar te poezise, apo mesuesit e letersise", tha poeti nga Shkodra, i cili nenvizon se keto veprimtari nuk kane vlere vetem per poetet pjesemarres, por edhe per ata qe duhet t'i ndjekin ato. Duke folur per "profesionin" e poetit Shllaku thote se "fjala poet nuk tregon zanat, por eshte nje titull i veshtire, ndersa shton: "Une merrem me shkrime dhe kjo mjafton, pasi shpesh here ata qe kane hyre ne zonen e rrezikshme te te qenit poet kane vdekur pa e marre vesh qe jane te tille".
Primo Shllaku ka botuar deri tani pese libra, nder te cilet tre vellime poetike, nje liber me refleksione dhe nje studim per poetin e madh dhe te panjohur shqiptar Martin Camaj. "Kete vjeshte do te botoje edhe tre libra te tjere me studime dhe poezi", perfundoi poeti Shllaku.
