"Poeteka" mbyllet me shkalle levizese

DURRES - Poeti holandez Arjen Duinker performoi dje ne Durres vargjet e shkruara prej tij. ne kuader te edicionit te katert te Festivalit Nderkombetar te Poezise "Poeteka", qe po zhvillohet ne qytetin bregdetar. Holandezi performoi vargjet ne nje shkalle levizese, duke terhequr vemendjen dhe duartrokitjet e te pranishmeve. Keshtu, mbreme eshte mbyllur Festivali nderkombetar i Poezise "Poeteka" me nje koncert "Urbi et orbi" ne mjediset e Muzeut Arkeologjik te Durresit, pikerisht aty ku nisi edicioni i ketij viti. Ne ceremonine e mbremjes u ndane dhe tre cmimet e ketij festivali. Ato ishin cmimi "Liburna", per poetin qe ka botuar krijimtarine me te mire ne faqet e revistes "Poeteka" gjate vitit 2007-2008, cmimi "Onufri", per kontributin kritik letrar me te mire te vitit, esene per poezine apo artet e tjera, si dhe trofeu me i rendesishem i festivalit, "Unaza Poeteka" me motivacionin "Per personalitetin poetik me te spikatur ne kete edicion te Festivalit".

Ne tre edicionet e kaluara cmimin "Unaza Poeteka" e kane fituar perkatesisht: Sibila Petlevski (Kroaci, 2005), Maria Lusia Spaziani (Itali, 2006) dhe Jevrem Brkoviq (Mali i Zi, 2007).

Java poetike

Gjate kesaj jave poetet e ftuar nga Kosova, SHBA, Gjermania, Britania e Madhe, Holanda, Portugalia, Zvicra, Kroacia, Sllovenia, Mali i Zi, Rumania, Rusia, Belgjika dhe Shqiperia moren pjese dhe ishin protagoniste ne 27 veprimtari poetike te ndryshme. Spikaten lexime letrare te formateve te ndryshme, diskutime te tryezes se rrumbullaket mbi poezine, letersine per femije, perkthimin, si dhe koncerte, performanca, ekspozita pikture, panaire te librit, nje (ob)SESION mbi nje teme- fokus, prezantime te letersise bashkekohore dhe kulturave te pjesemarresve, nje seance - ad honores, nje guide neper vendet historiko-arkeologjike dhe turistike, si dhe disa botime letrare.

Edhe gjate ketij edicioni poeteka ka shtegtuar ne qytete te tjera te vendit. Gjate nje veprimtarie ne kryeqytet eshte percaktuar edhe fituesja e cmimit "Nositi" per edicionin e katert te ketij Festivali. Poetesha Lindita Arapi eshte fituese e ketij trofeu per perkthimet e pozitive nga gjuha gjermane si dhe nga gjuha shqipe ne gjermanisht. Ne qytetin e Beratit leximet poetike jane organizuar ne keshtjelle, ndersa me pas sipas nje guide-kujtese jane vizituar Muzeu Onufri; Kishat e Kalase dhe lagjja historike e Mangalemit.