Greket pushim, turqit gjume ne kufi

KORCE - Situata ne piken kufitare te Kapshtices gjate dites se djeshme ka qene me e qete, pasi nje pjese e maunave ne pronesi te firmave shqiptare jane kthyer pas. Ne kufi kane mbetur vetem 15 mjete te tonazhit te rende me targa turke qe presin perfundimin e greves per te udhetuar drejt vendit te tyre nepermjet tokes greke. Dje shoferet turq kane kaluar naten e dyte ne kabinat e maunave, ndersa pergjate dites kane improvizuar zjarre gjate kohes qe ka rene shi. Ata shprehen pesimiste per situaten dhe me shpresen qe doganieret greke te perfundojne greven e deklaruar pa afat per te rinisur punen.

Greva e doganiereve greke, ka sjelle bllokimin e levizjeve nderkufitare ne doganen e Kapshtices qe prej mengjesit te se henes, ne juglindje te vendit. Automjete te tonazhit te rende per transportin e mallrave qendrojne ne pritje per te kaluar kufirin. Komandanti i policise kufitare shqiptare ne Kapshtice, Qamil Zhgaba, tha dje se, "sot ne diten e katert te greves, rreth 20 automjete te transportit te mallrave, kryesisht me targa turke, kane mbetur te bllokuara ne anen shqiptare te doganes se Kapshtices, ne pritje per te kaluar ne shtetin fqinj". Ndersa radha ne krahun tjeter te doganes mesohet se ka qene edhe me e gjate. Sipas tij, numri i mauneve te mallrave ka qene me i madh diten e merkure, por nje pjese e ketyre mjeteve te transportit te mallrave me targa te Korces, Beratit etj., jane kthyer mbrapsht. "Nuk ka pasur probleme per trafikun ne rruge, apo per kembesoret qe kane kaluar pas perpunimit te dokumentacioneve nga kontrolloret konform rregullave. Nuk dime ende edhe sa do te zgjase kjo greve", u shpreh Zhgaba.

Por edhe ne anen tjeter te kufirit, sipas te dhenave nga burime te doganes se Kapshtices, jane ne pritje mbi 30 automjete te tonazhit te rende me mallra, qe jane bllokuar per te hyre ne Shqiperi. Zhgaba u shpreh se vetem kembesoret lejohen te kalojne ne te dy anet e kufirit, nderkohe qe nje pjese e udhetareve detyrohen te lene automjetet ne kufi dhe me pas te paraqiten si kembesore ne sportelin e vetem qe funksionon ne doganen greke per te shkuar ne shtetin fqinj. Doganieret greke paralajmeruan kater dite me pare nje greve 48 oreshe per plotesimin e kerkesave te tyre. Nderkohe qe anomalia ne doganen e Kapshtices me bllokimin e mjeteve te transportit te mallrave u krijua, pasi ne diten e dyte te greves, nga ana e sindikates se doganiereve greke, u vendos qe protesta te vazhdoje edhe dy dite te tjera.