Burgjet, faji gjendet tek Ina Rama

Redinalda Caushaj

TIRANE - Prokuroria e Pergjithshme eshte kthyer ne nje problem shqetesues per Drejtorine e Pergjithshme te Burgjeve. Shkak jane bere ekzekutimet e vendimeve penale te cilat realizohen me vonese nga ana e organit te akuzes. Skandali i denoncuar nga shtate te denuar qe aktualisht ndodhen ne burgun e Shenkollit Lezhe, por qe u ishin mohuar 144 dite ulje denimi ne Burrel, ka sjelle edhe perplasjen me te re institucionale. Por nga ana tjeter shume te burgosur qendrojne ne qelite e tyre disa dite me teper, kurse pjesa tjeter nuk perfiton ulje denimi ne varesi te diteve te punes qe ka kryer ne burg. Sipas Drejtorise se Burgjeve, kryeprokurorja Ina Rama ka heshtur ne lidhje me problemet e ngritura, keto te bera te ditura nepermjet shkresave te drejtuara gjate javeve te fundit.

Nga nje takim koke me koke i kreut te Burgjeve, Gazmend Dibra, me perfaqesuesit e Avokatit te Popullit, per trajtimin e te burgosurve dhe problemet qe ka ne sistemin e burgjeve ne vendin tone, ka sjelle ne evidentimin e shqetesimeve qe kane ardhur si shkak i Prokurorise se Pergjithshme. Nje nga problemet kryesore ne lidhje me zbatimin e ligjit dhe trajtimin e te denuarve dhe paraburgosurve eshte shkelja e afateve ligjore per ekzekutimin e vendimeve penale dhe mosnjohja e diteve te punes se denuarve per efekt ulje denimi. "Nga ana e Drejtorise se Pergjithshme te Burgjeve dhe Avokatit te Popullit, nepermjet shkresave te ndryshme, eshte vene shpesh here ne dijeni Prokuroria e Pergjithshme per zgjidhjen e menjehershme te ketyre problemeve, por deri tani nuk ka pasur asnje reagim", deklaroi dje Drejtoria e Burgjeve. Sipas institucionit, keto shqetesime hasen vazhdimisht nga prokurorite e rretheve. Nga verifikimet e bera nga ana e ana e Drejtorise se Burgjeve, si dhe rekomandimet e Avokatit te Popullit, ka rezultuar se nje pjese e personave qe vuajne denimin, te mbahen ne menyre te padrejte ne burgje. Ky fenomen ka ndodhur per shkak te mberritjes me vonese te urdhrave te ekzekutimit te vendimeve te gjykates prane ketyre institucioneve, per te cilat eshte ngarkuar t'i zbatoje organi i akuzes.

Mos zbatimi i ketyre urdhrave bie ne kundershtim me parashikimet e Kreut VI per "afatet e ekzekutimit te vendimeve", te ligjit numer 8331, i dates 21.04.1998 "Per ekzekutimin e vendimeve penale". Me shqetesues ky fenomen eshte per seksionet dhe institucionet e paraburgimit. Problem tjeter i shkaktuar nga prokuroria eshte ai i mos nxjerrjes e urdhrave per ekzekutimet per lirimet e menjehershme. "Nje gje e tille ka sjelle veshtiresi per administraten e burgjeve, sidomos ne ato raste kur ne dosjen e te denuarit nuk ka qene i administruar vendimi i gjykates, per shkak te mosmarrjes forme te prere, vendimi i gjykates per denimin e shtetasit", sqaron Drejtoria e Pergjithshme e Burgjeve.

Por nepermjet shkresave me numer 2257 te dates 18 mars 2008 dhe numer 2257/1, te dates 27 qershor 2008, ne lidhje me punesimin e te denuarve ne burgun e Burrelit, Prokuroria e Pergjithshme eshte vene ne dijeni per shqetesimet e ngritura nga ana e te denuarve te ketij institucioni per mosnjohjen e diteve te punes per efekt te uljes se denimit. Sipas nje urdhri te nxjerre nga Prokurori i Pergjithshem, urdher i cili mban numrin 3233, te dates 08 tetor 2004, jane urdheruar prokuroret e ekzekutimit te vendimeve penale ne rrethe, qe te bejne korrigjimin e evidencave te administrates se burgjeve, lidhur me uljen e denimit, me arsyetimin se puna e te denuarve ne institucione nuk eshte shkak ligjor per uljen e kohes se denimit me burgim. Diten e djeshme Drejtoria e Pergjithshme e Burgjeve i kerkoi kryeprokurores, Ina Rama, shfuqizimin e ketij urdhri.



Urdhri, kur nuk kishte akte ligjore

Drejtoria e Pergjithshme e Burgjeve ka sqaruar se urdhri me numer 3233 eshte nxjerre ne nje kohen, qe nuk ka pasur ndonje akt tjeter ligjor, ose nenligjor, qe te rregulloje marredheniet e punesimit te burgosurve, pervec Dekretit te Presidentit me numer 7298, te dates 08.04.1989 "Per zbritjen e denimit te personave te denuar me heqje lirie qe aktivizohen ne pune, kur plotesojne e tejkalojne normen".





Te denuarit e Shenkollit denoncuan skandalin

Shtate te burgosur qe vuajne denimin ne burgun e Shenkollit, permes nje peticioni drejtuar krereve me te lart te drejtesise shqiptare, akuzonin sektorin juridik te burgut te Burrelit, se u ka grabitur padrejtesisht shume prej diteve te cilat i kane perfituar permes punes. Te burgosurit Gjergj Rica, Zef Frisku, Preng Frisku, Behar Fisheku, Kol Ejli, Gjergj Luka dhe Mark Lleshi, kane evidentuar se ne burgun e Lezhes, ku ata jane aktualisht, personeli perkates i tij, rregullisht ka zbritur te gjitha ditet qe te burgosurit i kane perfituar permes punes. Por edhe pse te burgosurit i kane perfituar uljet e diteve te burgut ne Shenkoll te Lezhes, ata nuk heqin dore nga perpjekjet e tyre per t'iu njohur ditet qe kane perfituar me pune gjate kohes qe kane qene ne Burgun e Burrelit. Peticioni, i cili eshte derguar edhe kryeprokurores Ina Rama, nuk ka marre nje pergjigje deri me sot. Te denuarit vene ne dukje se personeli i burgut te Burrelit, iu afroi pune, me kushtin qe denimi i tyre te zbriste me kater dite ne muaj, ku sipas tyre i kishin shtuar edhe nje pagese modeste prej 90 lekesh ne muaj.



Ulja e denimit

Shtate te denuarit duhet te perfitonin plot 144 diteve ulje denimi secili, keto te fituara automatikisht me punen e kryer nga ata gjate kater viteve qendrim ne burgun e Burrelit. Por keto dite nuk jane perfituar ende nga te burgosurit.