Universitetet, perfundon rishperndarja e fituesve
E Merkure, 24 Shtator 2008
Ministria e Arsimit ka perfunduar procesin e rishperndarjes se fituesve perfundimtare, per shkak te vendeve qe mbeten bosh nga fituesit paraprake qe "braktisen" degen ku fituan. Megjithate, dje nuk eshte shpallur zyrtarisht asnje emer fituesi, pasi ne baze te udhezimit te MASH, lista shpallet me 25 shtator, ndersa me 26, fillon procesi i regjistrimi. Ne momentin e shpalljes se listave me fituesit perfundimtare, fakultetet duhet te afishojne listat ne vende te dukshme, ne mjediset e fakulteteve perkatese. Kandidatet qe jane shpallur fitues ne listat perfundimtare, ne nje program tjeter studimi, te nje preference te tyre me te larte, do te cregjistrohen nga programi i studimit ku jane regjistruar paraprakisht, dhe te regjistrohen ne programin e studimit ku jane shpallur perfundimisht fitues. Kandidatet te cilet edhe ne listat perfundimtare rezultojne fitues ne te njejtin program studimi, nuk kane nevoje te riregjistrohen. Sa u perket orareve, sekretarite mesimore te fakulteteve do te jene ne dispozicion te fituesve per 8 dite me radhe. Me konkretisht, fituesit perfundimtare do te mund te riregjistrohen ne datat 26, 27, 28, 29, 30 shtator dhe 1, 2, 3 tetor 2008, prej ores 08:00 deri ne oren 18:00, ku jane shpallur fitues. Por, si fillim, fakultetet duhet te kryejne cregjistrimet e kandidateve qe jane shpallur fitues ne nje program studimi tjeter, te nje preference me te larte te tyre dhe te regjistrojne kandidatet e rinj fitues, sipas listave perfundimtare te fituesve, te shpallura nga APRIAL-i. Kandidatet qe cregjistrohen, do tu kthehet dosja individuale. Ne kete te fundit, duhet te ndodhen dokumentet origjinale. Behet fjale per deftesen origjinale te pjekurise, nje dokument identifikimi dhe fotokopje te tij, 2 fotografi dhe mandat-arketimi i tarifes se regjistrimit prej 1.500 leke. Mesohet se numri i llogarise ku do te derdhet tarifa, duhet te kerkohet ne fakultetin perkates. Ne kryerjen e procedures se regjistrimit paraprak, sekretarite mesimore te fakulteteve mbajne regjister te vecante, ku kandidatet fitues shkruajne vete emrin, atesine, mbiemrin dhe nenshkruajne ne momentin e regjistrimit per dorezimin e dokumenteve, duke shenuar daten dhe oren e regjistrimit. Sekretaria mesimore e pajis kandidatin qe regjistrohet me nje flete-regjistrimi paraprak, ku shenohet numri i regjistrimit, emri i kandidatit, si dhe data e ora e regjistrimit. Flete-regjistrimi paraprak duhet te jete i nenshkruar nga dekani e nga kryesekretarja mesimore e fakultetit dhe duhet te jete i vulosur.
