Rriten kerkesat per vaksina antigrip, farmacite ende bosh
E Merkure, 24 Shtator 2008
Asnje vaksine per parandalimin e gripit nuk ka mberritur ne farmacite e kryeqytetit. Edhe pse virozat stinore kane filluar tashme dhe kjo periudhe eshte me e pershtatshmja per te bere vaksinen kunder gripit, popullata nuk ka mundesi ta beje nje gje te tille. Kjo, jo per shkak te cmimit te saj, por per faktin se nuk ekziston ne asnje nga farmacite e Tiranes. Sipas farmacisteve, kerkesat jane te shumta, por pergjigja qe pacientet marrin, eshte negative. "Cdo dite na vijne njerez qe kerkojne te blejne vaksinen antigrip, por ne s'kemi te tilla. Madje as nuk jemi lajmeruar se kur mund te furnizohemi, ne menyre qe te kemi nje pergjigje per te gjithe te interesuarit", shprehet nje farmaciste, ne "Rrugen e Durresit". Jo vetem ajo, por edhe farmaciste te tjere sugjerojne qe njerezit te mos bien pre e ndonje mashtrimi te mundshem nga ana e kolegeve te tyre, te cilet mund t'u shesin vaksinat e mbetura nga viti i kaluar. "Ato nuk mund te bejne efekt, sepse lloji i gripit nuk eshte i njejte cdo vit. Si fillim duhet pare tipi dhe nentipi i gripit dhe vetem me pas duhet vendosur mbi vaksinen", thone ata. Keshtu, vaksinat e mbetura nga vjet nuk jane te skaduara, por thjesht nuk mund te bejne efektin e pritur. Ende nuk dihet se sa do te jete cmimi i saj, kur te behet furnizimi, por vitin e kaluar nje vaksine kunder gripit kushtonte 1350 leke. Mjeket kane terhequr vemendjen qe edhe kur farmacite te furnizohen me keto vaksina, pacientet t'i bejne kur te mos jene te prekur nga gripi, por kur jane shendoshe e mire. Ditet e fundit, ulja e menjehershme e temperaturave ka sjelle edhe shqetesimet e para, sidomos tek moshat e vogla. Djegie fyti, ftohje, kolle te thate por edhe gjendje rrufe, jane pasojat e ketyre ndryshimeve te temperaturave, te cilat ditet e fundit jane shoqeruar menjehere me nje rritje te numrit te personave qe kane kerkuar ndihmen e mjekut.
Keshillat
Sipas mjekeve duhet pasur kujdes per te parandaluar gripin. Pervec vaksines, njerezit duhet te evitojne kontaktin me te semuret, te perdorin qetesues per kollen, antibiotike, vitamina si dhe te mos vishen shume trashe.
