"Nuk kemi ende informacion kur perfundon greva e doganiereve"

Autoritetet policore vendore ne Gjirokaster nuk disponojne ende nje informacion te sakte nese greva do te vazhdoje edhe diten e merkure. Te njejten gje pohuan edhe zyrtare te policise se Korces dhe ata te Sarandes. Kjo situate ka nderlikuar se tepermi punen e kontrolloreve dhe doganiereve shqiptare, ndersa krijon veshtiresi tek biznesmenet apo tregtaret e ndryshem qe u eshte pezulluar aktiviteti. "Nga homologet tane greke ne marrim informacion ditor ne lidhje me zhvillimin e greves se doganiereve dhe bllokimin e punes nga ana e tyre, por nuk disponojme ende informacion sesa dite do te zgjase greva e doganiereve greke dhe kur do te rifilloje levizja normale e mallrave dhe automjeteve ne kufi", thone burimet zyrtare te policise ne tre drejtorite e qarqeve Gjirokaster, Vlore dhe Korce. Nderkohe qe perfaqesuesit e Drejtorise se Policise ne Gjirokastres thone se vazhdojne te jene te gatshem per te informuar menjehere personat e interesuar ne momentin qe doganieret greke do te perfundojne greven e tyre dhe levizja ne doganat kufitare mes Jugut te Shqiperise dhe shtetit fqinje, Greqise, do t'i rikthehet normalitetit. Autoritetet shqiptare shpresonin qe kjo greve te perfundonte mengjesin e dites se djeshme ashtu sic dhe ishte paralajmeruar. Mesohet se edhe dje ne mbremje doganieret greke nuk i jane rikthyer vendeve te punes dhe pritet nese do e bejne nje gje te tille gjate mengjesit te sotem (e merkure). Burime zyrtare thane se nuk ka pasur probleme ne qarkullimin e automjeteve apo radhe te gjata nga kjo situate e papritur, porse jane ngritur postblloqe per te njoftuar emigrantet qe udhetonin me mjetet e tyre me destinacion kater pikat kufitare ne Jug te vendit.





Shqiptaret

Qe prej mengjesit te se henes doganieret shqiptare kane marre pushimet e detyrueshme ne piken e kalimit kufitar te Kakavijes. Shkak eshte bere greva e homologeve greke qe kerkojne rritje te pagave nga qeveria e tyre dhe deri ne zgjidhjen e kerkesave paralajmerojne greve pa afat.



Policia

Ne pamundesi per te njoftuar ne kohen e duhur emigrantet, policite e Qarqeve Gjirokaster, Vlore e Gjirokaster jane vene ne levizje me ane te postblloqeve te shumta ne akset qe te cojne drejt pikave kufitare, me qellim lajmerimin e drejtuesve te mjeteve per greven pa afat te doganiereve greke.



Fluksi

Doganat shqiptare pergjate dy diteve te fundit jane bere pothuajse inekzistente dhe nepermjet tyre kane kaluar vetem kembesoret. Ne pune jane vetem kontrolloret greke dhe ata shqiptare qe kryejne procedurat e verifikimit te dokumenteve per emigrantet, ndersa eshte pezulluar procesi per mjetet.