Veprimtari ne parqet arkeologjike
E Marte, 23 Shtator 2008
Ministria e Kultures, Rinise dhe Sporteve do te organizoje me 29 shtator ne Diten Kombetare te Trashegimise Kulturore, nje sere veprimtarish qe perkojne dhe me aktivitetet qe organizohen cdo vit ne vendet evropiane ne muajin Shtator, ne Ditet e Trashegimise Kulturore Evropiane. Qellimi i "Dites Kombetare te Trashegimise Kulturore" eshte ruajtja dhe promovimi i vlerave te trashegimise kulturore si pjese e integruar e trashegimise evropiane, ndersa synon rritjen e ndergjegjesimit te publikut per potencialet qe paraqet trashegimia kulturore.
Axhenda e plote
Ne diten e Trashegimise Kombetare, Zyra e Administrimit dhe Koordinimit te Parkut Amantia-Orikum ne stadiumin Amantia, monument me vlera te rralla, do te organizoje lojera popullore nga nxenesit e shkollave te zones si Sevaster, Amonice, Dushkarak. Po keshtu eshte parashikuar promovimi i librit "Amantia qytet i Ilirise Jugore", pergatitur nga Drejtori i Parkut Arkeologjik te Amantia Orikum Gezim Llojdia.
Nje simpozium do te perkujtoje Doktorin e shkencave arkeologjike Yzeir Ismaili vrare ne vitin 1944 nga zona e Tragjasit, drejtor i muzeut te pare arkeologjik ne Vlore. Po ashtu do te zhvillohet nje simpozium shkencor ne bashkepunim me shoqaten Kulturore mbarekombetare "Ali Asllani" Vlore.
Drejtoria Rajonake e Kultures Kombetare ne Shkoder ne bashkepunim me Zyren Administrimit te Koordinimit te Parkut Arkeologjik, Shkoder do realizojne nje koncert ne Kalane Rozafa, me grupet rinore te qytetit, me qellim terheqjen e publikut dhe njohjen e tyre me mesazhin sensibilizues dhe promovues te vlerave te trashegimise kulturore te vendit tone.
Parku Arkeologjik Bylis do te organizoje nje aktivitet te perbashket te Parkut me Qendren Rinore Fier ku do te flitet per vlerat e Bylisit ne Qendren Rinore Fier. Po keshtu do te organizohet nje aktivitet i perbashket me shkollen e mesme te bashkuar 'Dervish Hekali' ne Hekal ku krahas vizites se organizuar ne Bylis do te kete dhe aktivitete nga nxenesit duke perfshire dhe pastrim territori ne date 29 shtator.
Drejtoria Rajonale e Kultures Berat do te peruroje restaurimin e ish-shtepise se Pashait dhe parmakeve perpara tij, qe konsiston ne restaurimin, konsolidimin, pastrimin, rrethimin, ndricimin, sinjalistiken, duke e kthyer keshtu kete monument mjaft te rendesishem ne gjendje te vizitueshme per vete pozicionin dhe rendesine qe ka. Perurimi i ketij monumenti te rendesishem do te shoqerohet me nje ekspozite fotografike mbi arkitekturen popullore beratase dhe me dy dokumentare ne video-projektor. Gjate gjithe dites se 29 Shtatorit hyrja ne Kalane e Beratit do te jete falas.
Drejtoria e Qendres Kombetare te Muzeumeve Berat do te hape dyert e muzeumeve Onufri dhe Etnografik falas per vizitoret. Vizitoret do te njoftohen nepermjet medias vizive dhe te shkruar, lokale. Ne bashkepunim me TV lokal "Onufri" do te realizohet ceremonia e dokumentarit "Zejet ne Berat" si dhe prezantimi i studimit "Zejet ne Berat" me autor Drejtorin e QKM, Berat, Kastriot Dervishi ne ambientet e Muzeut Kombetar Etnografik.
Drejtoria Rajonale e Kultures Kombetare ne Vlore ne bashkepunim me institucionet e tjera, parkun arkeologjik te Orikumit dhe Amanties, Drejtorise se Qendres Kulturore Vlore, Muzeun e Pavaresise Kombetare, Muzeun Historik dhe Etnografik te Vlores si dhe pushtetin lokal kane planifikuar veprimtari kushtuar vlerave monumentale e historike si pjese e trashegimise kulturore te popullit tone. Ne televizionet lokale do te zhvillohen biseda te ilustruara e spote publicitare kushtuar vlerave monumentale qe mbulon kjo drejtori.
Ne parkun arkeologjik te Orikumit, Amanties dhe kalane e Kanines me drejtorine Arsimore Vlore, me nxenesit e shkollave do te behen takime ku specialistet do tu flasin per vlerat arkeologjike dhe monumetale qe ruajne ne keto qendra te antikitetit. Ne ambientet e muzeut Historik Vlore ne daten 25/09/2008 ora 10:00 do te celet ekspozita "Vlera Monumentale te Rrethit te Vlores".
Parku Kombetar Butrint ne bashkepunim me Bashkine Sarande do te organizoje nje sere veprimtarish promovuese ne Park, nderkohe qe parku do te mund te vizitohet falas per publikun teksa Bashkia do te vere ne dispozicion transport falas per ne Butrint.
