Fier, farmacistet debate me grosistet per vaksinen

Rritet paniku per vaksinen antigrip ne qytetin e Fierit. Shpesh kjo vaksine eshte bere objekt polemikash mes grosisteve dhe farmacisteve jo vetem per afatet e skadences, por edhe per cmimin e shitjes se saj. Por, pervec ketij fakti mjeket ende nuk kane deklaruar se cila nga vaksinat do te jete e efektshme per gripin.

Debati

Me ardhjen e stines se fresket te vjeshtes, femijet dhe sidomos njerezit qe vuajne nga semundje te ndryshme rrisin kujdesin per kryerjen e vaksines antigrip. Por farmacistet e qytetit te Fierit ndjehen te shqetesuar sepse kane filluar debatet mes dhe grosisteve qe i furnizojne ata me barna. Sipas farmacisteve, grosistet kane qarkulluar thashetheme se vaksina antigrip, e cila gjendjet ne cdo farmaci ne Fier, eshte e skaduar. Kjo sipas farmacisteve behet me qellim qe ata te rekomandojne shitjen e barnave te reja me te shtrenjta me qellim fitimin e tyre. Por kjo krijon stok tek farmacistet te cilet, tashme kane jane furnizuar me sasi te medha vaksine antigrip. "Jane te shumte pacientet te cilet kane hezituar te blejne vaksinen qe marrin cdo vit", deklaroi dje farmacisti Bilbil Hyka. Sipas tij shkaku kryesor per kete hezitim jane pikerisht thashethemet se vaksina eshte e skaduar, por ne te vertete vaksina antigrip eshte brenda afateve te perdorimit, pasi skadon me 8 nentor te ketij viti. "Ne farmacistet mendojme se kjo behet me qellim dashakeq per ti hapur rruge preparateve te tjere te rinj te cilet jane me te shtrenjte", theksoi Hyka. Sipas farmacisteve, ne rast se nuk do te shiten vaksinat qe kane vetem nje muaj afat perdorimi, atehere ata do t'ua kthejne serish grosisteve te cilet kane mbushur depot me kete vaksine. "Ne jemi te detyruar t'jua kthejme depove te farmacive, vazhdoi Hyka, dhe ne rast se ata nuk do te na e pranojne pasi ka mbaruar afati, atehere kjo perben nje ngerc ekonomik per ne".

Vaksina

Vaksina antigrip kushton 1600 lek dhe pothuajse cdo vit ne kete periudhe eshte bere objekt polemikash. Vitin e kaluar pacientet ankoheshin se kjo vaksine nuk gjendej ne muajin shtator, pasi kjo eshte periudha me e mire per tu vaksinuar me qellim mbrojtjen nga virozat gripale dhe ato te stines se vjeshtes. Vaksina ne fakt "u duk" ne farmacite e Fierit ne fund te muajit tetor dhe kjo gje solli dyndje dhe panik tek pacientet. Megjithate, eshte ende heret per te folur per gripin, pasi deri me tani, pacientet po perballen vetem me virozat e stines. Keshtu, sipas vete mjekeve eshte e keshillueshme qe femijet nga 6 muaj e siper dhe personat mbi 55 vjec, si dhe grupet e rriskuara, jane te detyruar te injektojne kete vaksine. Nderkohe,per te parandaluar nje epidemi gripale duhet qe rreth 70 per qind e popullsise te vaksinohet. Por ne fakt, vleresimi i tregut behet nga vete kompanite, te cilat e shohin me rrezik futjen e sasive te medha te vaksines, ne te ardhmen pritet te behet nje tjeter studim tregu. Sipas te dhenave per vendin tone, mesohet se nese Shqiperia preket nga nje epidemi e rende gripale, kostoja mujore per trajtimin e gripit do te arrinte ne rreth 10 milione dollare.

Xhemil Beharaj