Ryshfeti, pranga kryetatimorit
E Shtune, 06 Shtator 2008
Pogradec- Nje funksionar i zyres se Tatimeve ne Pogradec, eshte arrestuar nen akuzen e korrupsionit, pasi duke favorizuar sektorin e biznesit te vogel, kerkonte para nen dore per t'i lehtesuar ne menyre te jashteligjshme nga detyrimet. Gavrosh Papa, me detyren pergjegjes zyre prane Deges se Tatim-Taksave ne Pogradec, eshte arrestuar diten e djeshme me akuzen shperdorim detyre dhe korrupsion pasiv, duke krijuar ne kete menyre lehtesira per biznesin e vogel. Ankesat e shpeshta nga tregtaret kane bere qe Zyra e Krimit Ekonomiko-Financiar te niste hetimin. Pas pergjimeve dhe survejimeve te kryera, eshte bere i mundur ndalimi i Papes, ndersa dyshohet se ai i ka kerkuar nje biznesmeni 400 mije leke ryshfet.
Hetime te antikrimit ekonomik te Drejtorise se Policise Korce, por edhe te dhena te siguruara ne rruge te tjera, kane sherbyer si prove qe Papa te vihet ne pranga mengjesin e dites se djeshme, ndersa sapo kishte nisur diten e punes. Sipas te dhenave nga burime te policise, ka prova se Gavrosh Papa ne menyre te perseritur ka synuar te perfitoje shuma parash nga biznesi i vogel, duke u premtuar favorizime persa i perket detyrimeve tatimore. Ne nje rast, ai dyshohet se ka kerkuar qe te marre nen dore nje shume prej 400 mije lekesh, por nderkaq veprime te ngjashme mesohet se kane qene te perseritura nga ana e pergjegjesit te sektorit te biznesit te vogel ne degen tatimore ne Pogradec. Policia nuk dha detaje per emrin e firmes te ciles zyrtari i kishte kerkuar para per shkak te hetimeve qe jane ne vazhdim.
Gavrosh Papa, rreth 29 vjec, prej rreth 5 vitesh mesohet se punonte ne Degen e Tatimeve ne Pogradec. Prezenca e tij e shpeshte me biznesmene te qytetit sipas policise eshte bere shkak qe te kryheshin hetime me intensive. Ndonese nuk ka pasur me pare denoncime dhe ankesa per pretendimet e pergjegjesit tatimor qe kerkonte para nen dore nga bizneset e vogla, ka rene ne sy abuzimi qe ai kryente me detyren duke u bere objekt hetimi. Policia nuk beri te ditur subjektin konkret me te cilin Papa ka synuar perfitimin nepermjet korrupsionit pasiv.
Shtate tatimoret e "Gjobes se fundit"
Operacioni "Gjoba e fundit" do te vinte ne pranga shtatorin e vitit te kaluar shtate drejtues te Policise Tatimore ne kryeqytet. Mes te arrestuarve shefi i policise, pese inspektore dhe nje shofer i institucionit. Ndalimet u kryen pas ankesave te biznesmeneve te ndryshem ne Tirane, se paguanin deri ne 400 mije leke per te mos u demtuar ne aktivitet, pasi kercenoheshin me mbyllje te biznesit. Pikerisht ne momentin qe policia kishte nisur hetimet, eshte kryer nje pergjim dhe me pas ndermarre operacioni i koduar "Gjoba e fundit".
