Nuk i jep leke, djali ther babane
E Shtune, 06 Shtator 2008
Shkoder- Djali plagos me thike babane pse nuk i dha leke. Sherri i nisur per shkak te nje shume prej 2 mije lekesh qe i riu kishte prishur nje dite me pare eshte bere motiv per ngjarjen e rende te ndodhur oret e vona te se enjtes ne Gruden e Re te Shkodres. Igor Kulla, 51-vjec, dyshohet se eshte goditur nje here ne gjoks nga djali i tij 23 vjecar, Agostin Kulla, i cili me pas eshte arrestuar nga policia. Burime nga spitali i Shkodres thane se i demtuari eshte jashte rrezikut per jeten dhe per fat ka shpetuar, pasi plaga ka qene shume prane zemres.
Nga hetimi i kryer per ngjarjen, policia ka zbuluar se babe e bir jane grindur per nje ore me radhe duke fyer njeri-tjetrin, ne prani edhe te pjesetareve te tjere te familjes. Rreth ores 22:00 nje telefonate ne sallen operative ka njoftuar uniformat blu per incidentin. Agostin Kulla, i fyer nga fjalet e babait te tij dhe refuzimi per t'i dhene leket, ka rrembyer thiken e bukes, duke e goditur ne gjoks. Djali me pas eshte munduar te ndihmoje babane, ne perpjekje per t'i pushuar hemorragjine.
I riu eshte arrestuar menjehere, ndersa gjate dergimit per ne komisariatin Shkodres ka shprehur pendese per krimin e kryer. Burime zyrtare kane bere te ditur per gazeten se arrestimi i 23 vjecarit eshte bere brenda ne banesen e tij, pasi pas nje konflikti familjar per motive te dobeta, ka tentuar te vrase me arme te ftohte, thike, 51-vjecarin. Pas mjekimit ne spital, i demtuari mesohet se gjendet jashte rrezikut per jeten, kurse i biri do te dale per mase sigurie ne gjykate per dy akuza, "vrasje e mbetur ne tentative" dhe "armembajtje pa leje".
R.Llazari
