Peshkon me dinamit, plagoset 41-vjecari
E Shtune, 06 Shtator 2008
Fier- Nje 41-vjecar u plagos ne ujerat e lumit Vjose ndersa perpiqej te peshkonte me dinamit. Ngjarja ndodhi mengjesin e djeshem, ndersa rreth ores 11:00 policia e Fierit eshte njoftuar se Roland Lule kishte perfunduar me plage te renda ne spital. Lajmi konfirmohet nga burime zyrtare, ndersa nje grup hetimor shkoi ne vendngjarje. Nga hetimet paraprake mesohet se Lule kishte shkuar i vetem per te peshkuar me dinamit ne grykederdhjen e lumit Vjose, prane detit Adriatik. Pasi kishte siguruar lende plasese, 41-vjecari ka pergatitur kallepin e pare per ta shperthyer ne uje. Por dinamiti ka plasur ende pa mberritur ne siperfaqen e ujit, duke i shkaktuar edhe plage te shumta ne trup. Veprimi i Lules eshte pare nga nje kalimtar i zones, i cili ka njoftuar menjehere policine. Me pas me nje autoambulance i demtuari eshte derguar ne spital, per te marre ndihmen e pare mjekesore. Bluzat e bardha te spitalit Fier kane pohuar faktin se gjendja shendetesore e 41-vjecarit eshte e rende dhe eshte nisur drejt spitaleve te Tiranes per ndihme me te specializuar mjekesore. Burime zyrtare te policise thane se ngjarja ka qene aksidentale, ndersa kane nisur hetimin per vepren penale te "mbajtjes pa leje te lendeve plasese".
Xh.Beharaj
