I zhdukur nga shtepia, gjendet i vetevarur

Fier- Policia identifikon kufomen e nje te riu qe u gjet i vetevarur ne ulli, prane rruges kombetare Fier-Vlore mbremjen e se enjtes. Burime zyrtare thane se ai quhet Eligert Nezha dhe eshte banor i fshatit Dukat te Vlores. Identifikimi eshte mundesuar edhe nga familjaret, qe kishin kryer denoncimin ne policine e Vlores per zhdukjen e tij tre dite me pare. Koordinimi mes dy policive pergjate 24 oreve te fundit ka bere edhe identifikimin e djalit 20 vjecar. Mesohet se i riu ishte larguar ne rrethana enigmatike nga banesa pa lene asnje adrese, ndersa mendohet edhe per ndonje zenke ne familje si shkak i ngjarjes. Policia tha se ende nuk dihen motivet se perse Nezha kishte udhetuar drejt Fierit per te kryer aktin fatal ne afersi te Levanit, vendi i quajtur "Liqeni". Prinderit kane thene per hetuesit se Eligerti ishte i ndjeshem dhe nuk sillte asnjehere probleme. Sipas policise, viktima ka qene i veshur me nje bluze me krahe te shkurtra ngjyre blu, me vija dhe pantallona bluxhins blu, i dobet dhe i gjate rreth 170 cm. Por ne zonen e Fierit policise i kane mbetur edhe dy kufoma pa identitet. Rasti i pare i perket nje mashkulli te moshes 45-50 vjec, qe eshte gjetur i vrare me plumb ne koke dhe hedhur ne vendin e quajtur "Qafa e Ajazit", ne zonen qe ndan fshatin Drenove me Belishove te rrethit Mallakaster. Kjo kufome eshte gjetur ne muajin dhjetor te vitit 1998. Kufoma e dyte i perket nje 20 vjecari, i cili u gjet i masakruar me sepate ne koke dhe i djegur rreth nje muaj me pare ne afersi te fshatit Tre Urat, te komunes Grabian.

Xhemil Beharaj