Shkon ne hotel, e denoncon per perdhunim

TIRANE - Nje i ri eshte vene nen akuze nga policia, pasi eshte akuzuar per perdhunim. Nje dite me pare, burime nga Policia e Tiranes, kane bere te ditur se ndaj Erjon K.,, 34 vjec eshte ngritur akuza per perdhunimin e nje 22-vjecareje. E demtuara sipas policise, eshte Nertila H., qe ka bere dhe denoncimin ne polici, ndaj djalit, me te cilin ka qene ne hotel. Burimet kane shtuar se i riu eshte ne hetim ne gjendje te lire, pasi dyshohet se cifti ka shkuar ne hotel e pa detyruar, por me pas nuk ka pranuar qe te kryeje marredhenie seksuale. Por refuzimi qe e reja i ka bere 34-vjecarit, ka sjelle qe ai te detyroje vajzen qe te kryenin marredhenie seksuale. Kjo gje ka qene fatale, pasi vajza 22-vjecare me te ikur nga hoteli "Agron", i ndodhur ne periferi te kryeqytetit ka bere denoncimin ne Komisariatin numer 1, te policise se kryeqytetit. 34-vjecari ka thene se te dy ishin te lidhur. Gjithcka ka ndodhur ne oret e para te mengjesit te djeshem, ne hotelin ne periferi te kryeqytetit. E reja Nertila H., 22 vjece, se bashku me 34-vjecarin Erjon K., kane shkuar ne hotel. Burime nga uniformat blu te kryeqytetit kane bere te ditur, se ne fillim e reja kishte shkuar me deshiren e saj ne dhomen qe kishte zene cifti. Por pasi kane kaluar disa ore se bashku, i riu ka kerkuar qe te kryenin marredhenie seksuale. Ky i fundit ka deklaruar se nuk kishte bere asnje perpjekje qe te ushtronte dhune ndaj se rese dhe se kishin shkuar ne hotel pa detyrim. "Ajo erdhi vete dhe une nuk e detyrova qe te kryenin marredhenie seksuale me dhune", ka deklaruar ne polici, 34-vjecari. A. Cena