Zjarret ne Himare, pranga 30-vjecarit te dyshuar
E Merkure, 20 Gusht 2008
Himare- Zjarri qe perfshiu qytetin bregdetar te Himares dy dite me pare ka nje autor. Policia ndaloi diten e djeshme Savo Mato, 30-vjec, banor i lagjes "1 Maji" te qytetit, si autorin e zjarrvenies qe vuri ne panik pushuesit e shumte. Burime zyrtare te policise thane se Mato akuzohet per kete akt, por nuk dhane hollesi per motivet. Vatra e pare e zjarrit sipas policise eshte pare pikerisht ne lagjen "1 Maji", ndersa te favorizuara nga era flaket jane perhapur mbi kodrat e qytetit. Ne Himare dhe Pilur zjarri mori permasa te konsiderueshme, duke djegur siperfaqe kullosore dhe pyllin prej 60 hektaresh, ku numerohen edhe 1 mije rrenje ullinj te shkrumbuar. Mato akuzohet per vepren penale te "zjarrvenies se qellimshme", ndersa gjate marrjes ne pyetje 30-vjecari ka pranuar aktin pa shpjeguar motivet. Por diten e djeshme jane raportuar edhe disa vatra te tjera zjarri me pasoja te renda. Ne Vuno, duke u zbardhur dita e djeshme eshte djegur nje zdrukthtari dhe shkak eshte bere nje shkendije elektrike. Policia e Vlores nisi hetimet per kete rast dhe tha se njoftimi i mor rreth ores 02:00 te mengjesit. Pronari i objektit, Dinonis M., si dhe bashkefshatare te tij jane perpjekur te shuajne flaket, kurse demi i shkaktuar shkon ne 200 mije leke. Por tre zjarre te tjera kane rene dje po ne zonen e Himares, ne kodrat dhe malet e Vunoit, Pilurit e Dhermiut. Flaket kane qene me intensitet te ulet dhe te pa rrezikshem per fshatrat, banesat dhe lokalet. Mesohet se deri ne oret e vona te mbremjes ka pasur vatra te vogla zjarresh ne kete zone.
