Vjedhje per skrap ne ish-kombinatin e sheqerit
E Merkure, 20 Gusht 2008
Maliq- Hajdutet e skrapit nuk kursejne as ish-Kombinatin e prodhimit te sheqerit ne Maliq. Kater te mitur dyshohen si autore te vjedhjes se metaleve ne ambientet e godines, me qellim shitjen e tyre per te perfituar. Burime te policise se Korces, thane se eshte konstatuar dhe denoncuar vjedhja e makinerive. Hetimet intensive kane nxjerre si autore te ngjarjes nje grup prej 4 personash, te cilet jane ne moshe te mitur. Sipas te dhenave, nje prej te dyshuarve eshte lene i lire, sepse vuan nga nje semundje mendore, kurse dy te tjere do te ndiqen penalisht ne gjendje te lire per shkak te moshes se mitur. Ne kerkim eshte vene edhe nje 18-vjecar, Miklovan Telhai, qe dyshohet si bashkepunetor. Te dyshuarit sipas policise kane qene dikur banore te qytetit te Korces dhe me pas jane transferuar se bashku me familjet ne Maliq. Ne ish-kombinatin e Maliqit, pas viteve 1990-te, aktiviteti eshte nderprere, ndersa objekti dhe makinerite jane bere objekt i hajduteve. Ne qytetin e Korces policia eshte vene ne alarm edhe per grabitjen e varrezave publike nga persona kryesisht te mitur qe vjedhin vazot dhe i shesin per skrap.
G.A
