"Gerdeci", Oketa pergenjeshtron Oketen

VORE - Ministri i Mbrojtjes, Gazmend Oketa ne viziten e tij te radhes dje ne Gerdec, kete here i pashoqeruar nga ambasadori amerikan, ka kundershtuar veten me deklarimet e tij. Ndersa ne fillim te gushtit, Oketa theksoi se Gerdeci paraqet rrezikshmeri te larte, te dukshme, dje ai ka pergenjeshtruar vetveten, duke deklaruar te kunderten. Oketa lokalizoi mundesine e shperthimeve ne zonen ku ndodhi me 15 mars tragjedia, kur tha se "theksoj si Minister i Mbrojtjes se jashte zones se rrethuar nuk ka asnje rrezik". Deklarata e ministrit aktual te Mbrojtjes, erdhi ne kundershtim me ate te bere me 1 gusht, kur ai gjendej serish te zona fatale e shperthimit te predhave, ate radhe, perkrah ambasadorit te Shteteve te Bashkuara te Amerikes, Xhon Uidhers. Perballe banoreve dhe mediave te shumta, ata i vune theksin faktit sipas tyre se zona e Gerdecit eshte ende e rrezikshme dhe se ndertimi apo rindertimi i banesave ne afersi te vendit te kraterit, i papranueshem.

Deklarata te ngjashme Oketa beri dhe pak dite me pare ne mediat e Tiranes kurse dje, qendrimi ishte i ndryshem. "Kur flasim per probabilitet per shperthim, flasim gjithmone vetem brenda zones se rrethuar, qe do te thote se ne rast se ndodh nje shperthim, i cili tashme kane kaluar pese muaj dhe nuk ka ndodhur absolutisht as edhe shperthimi me i vogel, behet fjale gjithmone brenda zones se rrethuar", - theksoi ministri, duke shtuar se "jashte territorit te rrethimit nuk ka asnje problem per sa i takon shperthimeve".

Ketu Oketa ka perforcuar bindjen e tij te ndryshme me ate te fillimgushtit, kur tha se duhet qartesuar edhe nje element tjeter: "Kur flasim dhe permendim fjalen shperthim ne termat teknik ushtarak, shperthim quhet edhe detonimi i nje kapsolle, sado te vogel apo i nje djegoreje, te cilat nuk paraqesin ndonje rrezikshmeri te larte". Ne kete pike, Oketa kerkoi te theksoje se "banoret mund te vazhdojne te ndertojne jashte rrethimit qe kontrollohet nga ekspertet ushtarake".

Ministri foli dje ndersa i dhuroi bashkise se Vores mjediset e ish repartit te tankeve ne Marqinet per ndertimin e nje shkolle dhe mjedisesh argetimi ne shtrirje gjashte hektare, edhe mbi pastrimin e zones se kraterit. Ai siguroi se puna po vazhdon normalisht dhe shtoi: "Deri tani kane kaluar 5 muaj dhe nuk ka pasur asnje lloj problemi. Eshte bere largimi i paletave qe ju pate disa jave me pare. Personat qe punojne aty jane eksperte te carmatimit dhe deri tani nuk kane pasur as problemin e shqetesimin me te vogel".

26 Ishte Numri i personave qe humben jeten si pasoje e shperthimit te ndodhur ne zonen e Gerdecit si pasoje e shperthimit te fabrikes se demontimit te armeve. Numri i te plagosurve arriti mbi 300 persona, qe moren ndihme mjekesore.

3615 Banesa Rezultuan me deme te shkalleve te ndryshme nga rrafshimi i plote, tek deme te renda, mesatare dhe te lehta. Qeveria beri edhe kompensimin e plote ne lidhje me keto deme, duke vene ne dispozicion shuma te konsiderueshme.

Qeveria pak dite me pare mori edhe vendimin, sipas te cilit godinat dhe i gjithe mjedisi ku dikur dislokohej ish-Brigada e Tankeve i kalohet ne pronesi bashkise se Vores per te ndertuar nje shkolle. Oketa i dorezoi dje dosjen me dokumentacionin e plote te pronesise.

Oketa ne Gerdec, jave me pare me Uidhers

Gazmend Oketa me marrjen e detyres si minister i Mbrojtes ka vizituar edhe ne menyre te shpeshte fshatin e Gerdecit dhe rrethinat e tjera ne kete zone per te pare edhe nga afer zhvillimet per pastrimin dhe akomodimin e banoreve. Pak jave me pare, me 1 gusht, kreu i Mbrojtjes, Oketa ne nje vizite te zhvilluar ne Gerdec ishte i shoqeruar nga ambasadori amerikan ne Tirane, Xhon Uidhers. Po keshtu Oketa ne menyre te vazhdueshme ka dhene informacion ne lidhje me rrezikshmerine ne kete zone.