Bogdani: Leskaj mashtron, pensionet jane dyfishuar, krahasuar me 2005-en
E Marte, 19 Gusht 2008
TIRANE- Zedhenesi i Partise Demokratike, Gerti Bogdani eshte shprehur se te ardhurat per pensionistet shqiptare, krahasuar me tre vite me pare, jane dyfishuar. Nje deklarate e tille ka ardhur si reagim ndaj akuzave te kryetares se Grupit parlamentar te PS, Leskaj, sipas te ciles pensionistet nuk kane perfituar asnje rritje te ardhurash, per shkak te rritjes se cmimeve dhe te inflacionit ne vend. "Ish-ministrja e Punes dhe pensioneve, kryetarja e grupit parlamentar te PS, zj. Leskaj, ne emer te politikes se re te mohimit te vertetes, nxori ne treg serine e fundit te mashtrimeve. Sipas saj, pensionet sot qenkan 4.9% me te ulta se ne vitin kur ajo dorezoi Ministrine e Punes dhe Ceshtjeve Sociale. Nje deklarate e tille mund te behet vetem ne kuadrin e politikes se re te mashtrimit te z.Rama", ka deklaruar dje Bogdani. Sipas tij, sot cdo pensionist apo pensioniste ne te gjitha qytetet e Shqiperise e di qe pensioni i tij apo i saj eshte me i larte. Cdo pensionist ne qytet nga 83.5 $ qe merrte ne vitin 2005, sot merr 111 $ me kursin e kembimit te vitit 2005. Cdo pensionist shqiptar ne fshat nga 34,000 leke pension ne 2005, merr 60,500 leke pension ne 2008, pra merr dyfishin. "Me deklarata te tilla zj. Leskaj mund te pasuroje vetem arkiven e mashtrimeve te kryetarit te saj, por nuk mund te mashtroje asnje pensionist shqiptar",tha Bogdani.
