Bogdani: Rama, fobi nga sukseset e qeverise
E Hene, 18 Gusht 2008
TIRANE - Demokratet, teper te ndjeshem ndaj akuzave te socialisteve, ne lidhje me deshtimin e qeverise, kane vene perballe tyre pershpejtimin e ritmeve te perdorimit te internetit. Zedhenesi i Partise Demokratike, Gerti Bogdani, reagoi dje ndaj deklarates se nje dite me pare te Partise Socialiste lidhur me standardet e teknologjise se informacionit ne Shqiperi. Ne pergjigje te deklarates se nensekretarit per programin ne Partine Socialiste, Ervin Bushati, sipas te cilit, ne studimin e fundit te Forumit Ekonomik Boteror mbi Teknologjine e Informimit per vitin 2008, Shqiperia renditet ne vendin e 108 nga 127 vende, Bogdani tha se, "Shqiperia ne vitin 2005 renditej e fundit ne bote per perdorimin e internetit me rreth 4.7%. Sot kjo shifer eshte rreth 15% dhe Shqiperia renditet e para ne bote per sa i perket ritmit te rritjes se perdorimit te internetit". Sipas tij, sot ne Shqiperi po aplikohen me sukses dhe po perhapen me shpejtesi kabinetet e informatikes ne shkolla, regjistrimi online i bizneseve, regjistrimi online i penaliteteve, taksat online, prokurimet publike online dhe se fundi arritja e shperndarjes se certifikatave dixhitale nga zyrat e gjendjes civile. "Duket qarte se tre jane fobite e forta te z. Rama, rruga Durres-Kukes-Morine, rritja e rrogave dhe pensioneve dhe pa diskutim mosha dixhitale", tha zedhenesi i PD-se, i cili theksoi se "optimizmi i kesaj qeverie eshte pa diskutim shume me pozitiv se fryma negative qe rrezaton selia roze".
