Kuqi: UNMIK-u te respektoje Kushtetuten

Zevendeskryeministri i Kosoves, Hajredin Kuqi, i ka kerkuar shefit te UNMIK-ut, Lamberto Zannier, qe t'i nenshtrohet Kushtetutes se Republikes se Kosoves. Ai ka thene se UNMIK-u, nuk eshte me organ qeverises ne Kosove dhe veprimi i tij po shkon drejt shuarjes se plote. Zevendeskryeministri i Kosoves i tha BBC-se se dokumenti i presidentit Ahtisari, qe eshte perfshire ne Kushtetuten e Kosoves, nuk lejon institucione njekombesie dhe as shkeputje nga sistemi. Deklarimet e zevendeskryeministrit pasuan deklaratat e para te zotit Zannier per rolin e tij politik ne Kosove dhe per pergatitjet e nje dialogu ndermjet Prishtines e Beogradit per gjashte fusha te caktuara, perfshire policine dhe drejtesine. "Dua te theksoj se ka pasur paqartesi ne deklarimet e fundit te zotit Zannier. Ndoshta keto paqartesi jane shkeputje te asaj cfare kemi biseduar ne me te. Dhe ne anen tjeter dua te them se rreth ceshtjes se dialogut, jane te qarta vijat tona politike per ate dialog", deklaroi zevendeskryeministri kosovar. Sipas tij, dy ceshtje jane kryesore: e para, nuk flitet per statusin juridik e politik dhe per organizimin e brendshem te Kosoves dhe e dyta, Kosoven e perfaqesojne institucionet e saj, duke theksuar se, ne kete drejtim edhe zoti Zannier edhe te tjeret e kane te qarte. "Si raporte ndershteterore, si dy shtete sovrane dhe te pavarura, me qellim te integrimit ne kuptimin rajonal por edhe ne ate te BE-se por, gjithashtu, edhe me qellim te perfitimit te dy popujve dhe dy vendeve, mund te kete biseda teknike", deklaroi Kuqi, Sipas tij, ne anen tjeter, besoj se nuk do te kete mundesi dhe jemi te befasuar me entuziazmin e zotit Zannier, sepse dialogu me Serbine nuk ka sjelle dobi as per ceshtjet teknike, as per dicka tjeter, ky entuziazem nuk eshte i arsyeshem. Per sa i perket mundesise qe Prishtina zyrtare te bisedoje me Beogradin per ceshtjen e policise dhe te drejtesise, numri dy i ekzekutivit kosovar e ka mohuar kategorikisht kete mundesi. "Sa i perket organizimit te policise dhe drejtesise, ndoshta edhe kur e kam thene me heret per organizim te brendshem te Kosoves, nuk ka nevoje dhe nuk mund te flasim me Serbine, sa i perket kompetencave qe mund t'i kete Serbia", sqaroi Kuqi. Sipas tij, mund te flitet per menyren se si te integrohet pakica serbe ne keto institucione te Kosoves, por, raporti Kosove-Serbi eshte i qarte dhe i ndare. "Dokumenti i presidentit Ahtisaari qe ne e kemi inkorporuar edhe ne Kushtetuten e Kosoves, nuk lejon institucione njekombesie dhe mbi bazen e tij as qe te dalim jashte sistemit" u shpreh zevendes kryeministri kosovar. Per te, tri gjera duhet te jene te qarta: e para, cdo institucion do te funksionoje sipas ligjeve te Kosoves; e dyta, do te kene nje hierarki komanduese dhe organizuese qofte ne sistemin e policise apo te drejtesise dhe e treta, cdo organizim apo vendimmarrje do te jete nga niveli qendror ne ate lokal.

Ofrimi

Prishtina zyrtare deklaron se nuk mund te arrij ne kompromis per ceshtje te Kosoves, por ajo cka ofrohet eshte dokumenti i presidentit Ahtisaari, pasi sipas tyre cdo kompromis do ta bllokonte funksionimin demokratik.