Brace: Berisha erdhi si trim, po iken si burracak

Nenkryetari i Grupit socialist, Erion Brace, ngriti serish zerin dje ne Kuvend se Kryeministri Sali Berisha nuk po u pergjigjet pyetjeve te opozites per Gerdecin, rritjen e cmimeve apo pasurine e vene. Nga foltorja e Kuvendit, Brace duke lexuar Kushtetuten theksoi se Kryeministri ka per detyre qe t'u pergjigjet interpelancave dhe pyetjeve qe kerkohen nga deputetet. Sipas Braces, ne kundershtim me Kushtetuten, kreu i qeverise prej muajsh shmanget t'u pergjigjet interpelancave. "E kemi thirrur per numrin e frikshem te vetevrasjeve me burim varferine ekstreme ne familjet shqiptare, si produkt i qeverisjes se tij, madje edhe te punonjesve te administrates se tij. Permes mekembeses Topalli ne kthehet pergjigje se Kryeministri nuk pergjigjet", vijoi socialisti. Ai permendi se Berisha eshte thirrur dhe per te sqaruar deformimin e rende te parimeve te ekonomise se tregut, permes cmimeve referuese qe plackitin qytetaret dhe biznesin e ndershem, si dhe per masat e marra nga qeveria per vdekjet e minatoreve ne Bulqize e kudo. "Permes mekembeses Topalli, na kthehet pergjigje se Kryeministri nuk pergjigjet", theksoi Brace, duke premtuar se opozita nuk do te terhiqet. Brace akuzoi dhe Kryetaren e Kuvendit, Topalli, se po i zvarrit qellimisht. Ndersa Kryeministrin e quajti nje person qe erdhi si trim e po iken si burracak.