Interpelancat, bllokohet Kuvendi

Kryeministri Sali Berisha u ktheu pergjigje shkurt, dje, akuzave te opozites per tragjedine e Gerdecit, dhe se familja e tij ka perfituar toka ne bregdetin shqiptar. Ne vetem 20 minuta qe qendroi ne seance plenare, kreu i qeverise mohoi te kete qofte edhe 1 meter toke ne vijen bregdetare shqiptare, apo te kete pasur dijeni per fabriken e demontimit te armeve ne Gerdec. "Nuk kam asnje meter toke ne bregdet. Edhe tokat qe kam pasur ne Tropoje, ja kam dhuruar fshatareve te mi. E per Gerdecin, nuk kam pasur asnje dijeni, se ju i bete ligjet keshtu", u shfajesua Kryeministri me pak fjale. Sqarimi nuk sherbeu aspak per opoziten. Kryetarja e Grupit socialist, Valentina Leskaj, tha se mazhoranca te mos prese bashkepunim me opoziten per reforma, kur nuk i jep asaj te drejten e fjales ne Kuvend dhe mos i pergjigjet pyetjeve te saj.

Bllokimi

Edhe seanca e djeshme plenare u bllokua, si pasoje e debateve mes forcave politike per kerkesen e paplotesuar te opozites per zhvillimin e interpelancave me Kryeministrin per ceshtjet problematike ne vend. Madje, deshtimi i mbledhjes se djeshme, pervecse nuk lejoi votimin e projektligjeve ne rendin e dites, pengoi dhe Prokuroren e Pergjithshme, Ina Rama, te raportoje ne Kuvend. "Opozita nuk do te lejoje qe te behet koperture per ju ne realizimin e reformave, per sa kohe ju shperfillni kerkesat tona e nuk na pergjigjeni", tha prere kryetarja e Grupit socialist, Valentina Leskaj. Sipas saj, sqarimet e Kryeministrit me dy fjale te pikepyetjeve dhe paqartesive te opozites nuk jane te mjaftueshme. "Ka shume interpelanca per ju, e vazhdoni te mos na pergjigjeni. Do ishte ne nderin tuaj te na pergjigjeni", vijoi Leskaj. Por, Kryeministri Berisha kerkesat dhe akuzat e opozites i quajti vetem shpifje. "Une nuk mund te reagoj per cdo shpifje qe ju beni. Por rris pagat e pensionet", u pergjigj Kryeministri. Berisha shprehu keqardhje per diskutimin e kryetares Leskaj, por theksoi se vazhdon te kete respekt e vleresim per opoziten. "Shpreh keqardhje per fjalimin tuaj, jeni kthyer ne fabrike mashtrimi", replikoi Berisha. Sipas tij, qeveria nuk ka kohe qe te merret me shpifjet, por shtron rruget e realizon reformat. Madje, kreu i qeverise akuzoi se PS hoqi nga posti i kryetarit te grupit Pandeli Majkon, vetem per rrugen Durres-Kukes.

Kerkesat

Opozita mbeti serish e pakenaqur dje se Kryeministri nuk iu pergjigj pyetjeve te ngritura ndaj tij. Menjehere pas largimit te Berishes nga salla, te majtet u ngriten ne kembe e perplasen tavolinat qe ai te rikthehej e t;u pergjigjej pyetjeve, por pa rezultat. Duke i pershendetur me dore, Kryeministri nuk ua vuri veshin thirrjeve e perplasjeve te tavolinave. Kaq mjaftoi qe ne salle te nise tensioni. Nenkryetari i Grupit, Erion Brace, kerkoi fjalen per replike edhe ne mungese te Kryeministrit, por drejtuesi Fatos Beja nuk e la. Tensioni ne rritje beri qe seanca te nderpritet per dy here radhazi, e te pezullohet me pas. Nje me nje, grupi socialist renditi kerkesat se per cfare kerkon pergjigje nga Kryeministri. Ne krye te listes renditen korrupsionin ne rritje, cmimet e larta, si dhe numrin e madh te viktimave ne vend. Pa lene menjane tragjedine e 15 marsit ne Gerdec dhe greven e minatoreve.

Rozeta Rapushi