Zgjedhjet ne PD e Skraparit, grushte mes kundershtareve
E Merkure, 09 Korrik 2008
SKRAPAR - Zgjedhjet ne Partine Demokratike ne qytetin e Corovodes kane sjelle perplasjen e pare mes paleve. Drejtues te Partise Demokratike ne Skrapar, jane konfliktuar mesditen e djeshme me grushte dhe mjete te forta ne mes te qytetit te Corovodes. Shkak, sipas te dhenave, jane bere zgjedhjet e reja, qe priten te mbahen ne kete rreth per kryetarin e ri te deges se Partise Demokratike ne Skrapar. Nenprefekti i Skraparit, Fadil Kapllani, ka goditur me mjete te forta drejtorin e KESH-it, Sokol Bregun, duke e demtuar ate ne veshin dhe syrin e majte. Burime zyrtare te policise bejne te ditur, per gazeten "Koha Jone", se ka qene nje debat midis dy drejtuesve, ne lidhje me zgjedhjet e ardhshme, por, me sa duket, situata ka degjeneruar ne sherr mes klaneve brenda PD-se se rrethit.
Personat te ndryshem, qe kane qene rastesisht ne lokal, kane nderhyre ne ndarjen e dy personave te irrituar. Por problemi ka mberritur deri ne polici, ku tashme kjo e fundit po merret me hetimin e ngjarjes, e cila degjeneroi deri ne dhune. Mesojme se nderkohe Prokuroria ka marre ne pyetje te dy pjesetaret, mes te cileve ka ndodhur konflikti, per te zbardhur me tej detajet e ngjarjes se ndodhur ne nje nga lokalet e qytetit te Corovodes. Burime te tjera kane shtruar se personat e demtuar jane derguar ne spital, ku kane marre ndihmen e pare mjekesore, duke qene jashte rrezikut per jeten, pasi plaget e marra kane qene te lehta.
Prokuroria
Prokuroria ka marre ne pyetje te dy pjesetaret, mes te cileve ka ndodhur konflikti, per te zbardhur me tej detajet e ngjarjes se ndodhur dy dite me pare ne qytetin e Corovodes, por ende nuk ka nxjerre pergjegjesit per kete sherr te ndodhur gjate dites se djeshme.
