Ja procedurat si do te shqyrtohen ne Kuvend dekretet e Presidentit

Gjashte dekretet e Presidentit Bamir Topi per anetare te Gjykates se Larte, do te votohen ne Kuvend sipas rregullores se re, te miratuar me konsensus te plote vetem dy dite me pare. Me procedurat e reja, percaktohet qe Komisioni i Ligjeve do te shqyrtoje brenda tre javesh, emrat e Presidentit nga dorezimi i tyre ne Kuvend. Deputetet do te shqyrtojne brenda kesaj periudhe kohore nese kandidatet i permbushin apo jo kriteret kushtetuese e ligjore per te merituar voten pro ne seance plenare, per pasoje dhe mandatin e anetarit te Gjykates se Larte.

"Komisioni organizon seanca degjimore publike me secilin kandidat. Ne rastin kur kandidatura nuk ploteson kushtet ligjore te vendosura ne Kushtetute apo ligj", u sanksionua ne rregulloren e Kuvendit me 103 vota pro. Ne rast se ndonje kandidature qe Topi ka sjelle ne komision nuk do te permbushe kriteret e percaktuara ne ligj, atehere komisioni, nepermjet raportit te tij, i kerkon Kryetarit te Kuvendit te njoftoje institucionin propozues per mospermbushjen e ketyre kritereve. Procedura e shqyrtimit ne Kuvend vazhdon vetem ne rastin kur institucioni propozues shprehet lidhur me kete ceshtje. "Kur asnje nga kandidatet nuk merr shumicen e kerkuar te votave, procedura fillon me kandidatura te tjera nga e para, sipas percaktimeve te bera ne kete nen, me perjashtim te rasteve kur eshte parashikuar ndryshe", percaktohet ne rregullore. Kete procedure do te ndjeke Komisioni i Ligjeve per gjashte emrat e dekretuara dje nga Presidenti i Republikes, Bamir Topi, per anetaret e Gjykates se Larte. Kjo pasi ndryshimet ne rregullore, hyne ne fuqi menjehere.

Testimi

Deputeti socialist, Besnik Dervishi, nje prej anetareve te Komisionit parlamentar te Ligjeve, tha dje per gazeten se emrat e Presidentit Bamir Topi do te shqyrtohen sipas rregullores se re ne komision. "Nuk dua t'i paragjykoj kandidaturat para se te njihem mire me to. Besoj se Presidenti ka respektuar kriteret ne perzgjedhjen e tyre", tha Dervishi.



Vleresimi

Asnje vleresim pa u konsultuar mire me kandidaturat dhe profesionalizmin e tyre. Keshtu u shpreh dje kryetari i Grupit republikan, Arian Madhi. Sipas tij, Komisioni i Ligjeve eshte ne pritje te kandidaturave dhe do t'i marre ne shqyrtim sipas rregullores se re te miratuar me konsensus te plote. "Nuk mund te vleresoj, pa i pare", theksoi Madhi.

Emrat qe Presidenti dekretoi per anetare te Gjykates se Larte

Arjana Fullani

Ka ushtruar profesionin e gjyqtares per njembedhjete vjet. Aktualisht eshte drejtore e Shkolles se Magjistratures. Post qe e mban prej tete vjetesh. Fullani ka marre titullin "Master" ne Fakultetin e Drejtesise, Universiteti i Tiranes dhe ajo njihet si nje prej bashkautoreve te tekstit "E drejta familjare".

Aleksander Muskaj

Ka ushtruar profesionin e gjyqtarit per shtatembedhjete vjet rresht. Ka qene anetar i Keshillit te Larte te Drejtesise per nje mandat. Aktualisht punon si gjyqtar

prane Gjykates se Apelit Tirane. Muskaj ka marre titullin "Master" ne Fakultetin e Drejtesise, Universiteti i Tiranes.

Andi Celiku

Per gjashte vite rresht ka ushtruar profesionin e gjyqtarit ne Gjykaten e Rrethit Gjyqesor, Tirane. Aktualisht punon si avokat. Profesion qe e vazhdon prej dhjete vitesh.

Evelina Qirjako

Prej nentembedhjete vjetesh ushtron profesionin e juristes.

Guxim Zenelaj

Aktualisht eshte anetar i Keshillit te Larte te Drejtesise. Ka ushtruar profesionin e gjyqtarit per kater vite me radhe si dhe te ndihmesit ligjor ne Gjykaten e Larte per 13- vjet rresht. Po keshtu, Zenelaj ka qene dhe Avokat i Pergjithshem i Shtetit.

Majlinda Andrea

Prej gjashtembedhjete vjetesh punon si gjyqtare ne Gjykaten e Rrethit Gjyqesor Durres.