Dekretet, negociata Topalli-Topi

Zgjidhet ngerci institucional Kuvend-Presidence. Pozita dhe opozita me konsensus miratuan dje ne Keshillin per Rregulloren, Mandatet dhe Imunitetet ndryshimet ne rregulloren e Kuvendit, perfshire dhe ato per shqyrtimin e dekreteve qe vijne nga Presidenti i Republikes per anetare te institucioneve kushtetuese. Me konsensus, forcat politike vendosen qe te ndryshojne nenin me problematik, ate 111 te rregullores. Sipas paktit te bere ne keshill, te gjitha kandidaturat qe Presidenti i Republikes dorezon ne Kuvend kalojne per shqyrtim ne Komisionin parlamentar te Ligjeve. Aty anetaret do te marrin ne shqyrtim nje e nga nje dekretet, per te pare nese ligjerisht meritojne postin apo jo. Kuvendi percaktoi nje afat 30 dite kohe per shqyrtimin e votimit te kandidaturave qe vijne nga Presidenti apo dhe nga Keshilli i Larte i Drejtesise. Komisioni do te zhvilloje seanca degjimore me kandidatet, per prezantimin e tyre, por jo hetimore, sic u perfol kohet e fundit ne Kuvend. "Kur komisioni konstaton qe kandidati nuk i ploteson kushtet ligjore, kjo kompetence i kalon Kryetarit te Kuvendit per ta diskutuar me institucionet propozuese, para se te kaloje ne seance plenare", sqaroi nje prej anetareve te keshillit, Neritan Ceka. Pra, nese Komisioni parlamentar i Ligjeve do te kundershtoje ndonje emer, qe Presidenti Bamir Topi do te sjelle per anetare te institucioneve kushtetuese, atehere do te jete Kryetarja e Kuvendit, Jozefina Topalli, ajo e cila do te negocioje me kreun e shtetit per te gjetur nje rrugezgjidhje tjeter. Qe ne kete rast do te ishte nje emer i ri, qe te plotesoje te gjitha kushtet. Me kete menyre, Keshilli u shpreh se i jep zgjidhje perplasjes institucionale te krijuar per dekretet e Presidentit. "U percaktuan mjaft qarte te tre rastet, ne rastet kur Kuvendi e ka kompetence te veten si propozimin ashtu edhe emerimin ne ato organe, sic eshte rasti i tre anetareve te Keshillit te Larte te Drejtesise. U percaktua qarte procedura ne rastin e dyte, kur Kuvendi emeron anetaret e ketyre organeve, ose institucioneve, kur ato propozohen nga institucione te ndryshme, sic eshte rasti i Enteve Rregullatore qe propozohen nga Keshilli i Ministrave, si p.sh: Enti rregullator i Energjise, i Telekomunikacioneve, Ujit etj. Gjithashtu, percaktuam mjaft qarte edhe procedurat ne rastin e dhenies se pelqimit per dekretet e Presidentit te Republikes", sqaroi deputeti socialist, Besnik Dervishi. Te gjitha keto ndryshime u perqendruan ne nenin 111 te rregullores se Kuvendit. Me konsensusin e arritur dje, ndryshimet e rregullores, do te votohen diten e hene ne seance plenare. Keshtu, ato i paraprijne dekreteve te reja qe do te vijne nga Presidenti i Republikes, Bamir Topi, per anetaret e Gjykates se Larte. Duke qene se kreu i shtetit vetem ne fillim te javes se ardhshme do te dorezoje emrat e rinj, qe do te zevendesojne postet vakante ne Gjykaten e Larte, ato do te shqyrtohen ne Kuvend sipas rregullores se re. Aktualisht kreu i shtetit, ka marre ne dorezim te gjithe emrat e kandidateve qe plotesojne kriteret e percaktuara nga grupi i eksperteve ne presidence. Ata jane me te pakte ne numer se 105 qe aplikuan, pasi nje pjese nuk plotesonin kriteret. Nderkohe qe, pritet qe javen e ardhshme Presidenti te dergoje ne Kuvend 6 emrat per gjyqtare te Gjykates se Larte. Kreu i shtetit ka bere me dije se brenda kesaj jave, pritet te perzgjidhen nga 105 kandidatet qe kane aplikuar dhe gjashte kandidaturat qe do te votohen ne Kuvend per anetare te Gjykates se Larte. Ne kete kendveshtrim, java e ardhshme do te jete dhe nje jave debati, ku sipas dhe rregullores se re te miratuar me konsensusin e partive politike do te startoje perzgjedhja e kandidaturave. Proces i cili pritet te zgjase nje muaj, qe do te thote qe anetaret e rinj te Gjykates Kushtetutese pritet te behen prezente dhe te zene vendet e tyre ne shtator te ketij viti. Gjithnje ne rast se respektohet afati prej 30 ditesh qe eshte percaktuar ne rregulloren e Kuvendit per te perfunduar diskutimi ne Komisionin e Ligjeve. Ne rast se ky komision nuk bie dakord, atehere afati zgjatet, derisa kryetarja e Kuvendit Topalli te perfundoje negociatat me Topin. Rozeta Rapushi



Dekretet, si emerohen drejtuesit e organeve Kushtetuese

Percaktohen procedurat e pelqimit

Ne komisioni e Ligjeve u percaktua qarte procedura ne rastin e dyte, kur Kuvendi emeron anetaret e ketyre organeve, ose institucioneve, kur ato propozohen nga institucione te ndryshme, sic eshte rasti i Enteve Rregullatore qe propozohen nga Keshilli i Ministrave, si p.sh: Enti rregullator i Energjise, i Telekomunikacioneve, Ujit etj. Gjithashtu, u percaktuan mjaft qarte edhe procedurat ne rastin e dhenies se pelqimit per dekretet e Presidentit te Republikes.



Dekretet

Kreu i shtetit ka bere me dije se brenda kesaj jave, pritet te perzgjidhen nga 105 kandidatet qe kane aplikuar dhe gjashte kandidaturat qe do te votohen ne Kuvend per anetare te Gjykates se Larte