Shkrumbimi i pallatit, ikin kreret e zjarrfikeses
E Marte, 24 Qershor 2008
Korce - Nje zjarr i shkaktuar nga nje bombol gazi ka shkaterruar qe nga kati i trete nje pallat ne qytetin e Korces, duke sjelle bilancin me nje person te vdekur nga trauma, te pakten dy te tjere te lenduar dhe 6 familje, qe tashme nuk kane me cati mbi kryet e tyre. Prefektja Elfrida Zefi shkarkoi nga detyra tre drejtuesit e Repartit Zjarrfikes ne Korce per neglizhence. Nje i moshuar nderroi jete ne spital pas asfiksise nga tymi dhe problemeve me zemren, kurse dy gra moren mjekim te menjehershem per shkak te traumes se pesuar.
Ngjarja
Mesditen e se henes, rreth ores 13:00, ne nje pallat trekatesh te lagjes nr. 4, eshte shfaqur nje vater zjarri, e cila nga nderhyrja me vonese e zjarrfikeseve, perfshiu me flaket e saj te gjithe katin e siperm. Zjarri, qe u favorizua nga ndertesa e amortizuar e ndertuar ne vitet 1940 dhe nga konstruksioni i saj prej druri, u perhap ne dy vatra te medha. Paniku qe perfshiu banoret ne momentet e para te shfaqjes se zjarrit, nuk ka sjelle reagime te menjehershme te sherbimit zjarrfikes dhe ne keto rrethana flaket u shtuan mbi catine me perberje traresh prej druri te baneses kolektive. Sipas te dhenave nga burime zyrtare te Prefektures Korce dhe policise lokale, ka qene fillimisht nje sinjalizim nga banoret ne numrin 129 te komisariatit, qe ka vene ne dijeni per renien e ketij zjarri. Policia ka sinjalizuar sherbimin zjarrfikes, por ka pasur nje orientim te gabuar per renien e zjarrit, pasi autoboti i pare eshte drejtuar ne nje tjeter vend. Catia prej tjegullash filloi te shembet, kur afro 4 mjete zjarrfikese u grumbulluan ne te dy anet e pallatit. Zyrtarisht u deklarua se shkak i zjarrit eshte bere nje bombol gazi e vendosur ne katin e trete per qellime gatimi nga Jemir Bejko. Me rezervat ujore te mjeteve zjarrfikese do te ishte e pamundur te shuhej zjarri i rene ne "Pallatin e oficereve", por ne afersi te nderteses ka qene nje hidrant i tubacionit te ujesjellesit. Per te pakten 2 ore eshte bere e mundur nderhyrja dhe shuarja e flakeve nga kater autobote me uje qe jane furnizuar nga Ujesjellesi i qytetit. Nje banor i moshuar i pallatit, ku ra zjarri, Theodhoraq Trasha, rreth 70 vjec, ishte viktima e pare e kesaj ngjarjeje te rende aksidentale. Plaku u dergua per ndihme mjekesore ne spitalin e Korces. Dy gra te tjera te lenduara dhe te traumatizuara perfunduan me urgjence ne spital, por pa pasoja per jeten e tyre.
Masat
Pasojat i pranoi edhe kryetari i Bashkise, Niko Pelshi, qe zhvilloi vizita ne spital e se bashku me te prefektja Elfrida Zefi. Nje banor, rreth 50 vjec, i cili dukej ne nje gjendje paralize, u nxor nga apartamenti, ku i rrezikohej jeta prej zjarrit, vetem nga ndihma e nje fqinji. Nga zjarri u demtuan plotesisht 6 apartamente te katit te trete te pallatit. Ne mbledhjen e Shtabit te Emergjencave Civile, nen drejtimin e prefektes Elfrida Zefi, u be i ditur krijimi i kushteve te akomodimit per te 18 familjet e demtuara. "Zjarri ne banesen kolektive ka rene para ores 13:00, ndersa une si prefekte e kam mare vesh nga nje sinjalizim qytetar reth ores 14:00, pra nje ore me pas", deklaroi Zefi. Pa asnje hezitim, ajo shkarkoi nga detyra specialistin e emergjencave civile ne Prefekture, Dhori Cekrezi, shefin e sherbimit te zjarrfikeseve, Koco Cicko dhe shefin e mbrojtjes nga zjarri, Gjergji Zhurka. "Ky zjarr aksidental na vuri ne prove dhe une ne emer te jetes dhe traumes, qe pesuan banoret e pallatit te djegur ne kete rast, nuk pranoj me justifikime", paralajmeroi prefektja. Zefi i kerkoi ndihme edhe komunitetit te biznesit per te dhene veshje e ushqime ne momentet e para per banoret e mbetur te pastrehe, ndersa pas vleresimit te plote te demeve pritet te merret nje tjeter vendim se si do te perballohet edhe strehimi i familjeve me apartamente te djegura dhe te shkateruara.
G.Ashimi
