Profesorati: Pollo te mos kerkoje cilesi diplomash
E Premte, 13 Qershor 2008
Kolegjit te Profesoratit i duket mjaft absurde kerkesa e vazhdueshme e ministrit Genc Pollo, apo jo rrallehere edhe "mburrja" e tij per cilesi diplomash. Anetarja e Kolegjit te Profesoratit, Nikoleta Mita, shprehet se, ndersa Ministria e Arsimit kerkon cilesi, universiteteve u ka lene per detyre qe te plotesojne norma. Keshtu, sipas udhezimit te MASH, kerkohet qe te gjitha programet e diplomave te nivelit te pare te hartohen me 22 provime, 20 lende mesimore, praktiken dhe diplomen. Por, ky detyrim, sipas anetares se Kolegjit te Profesoratit, nuk eshte i drejte. Kjo, sepse udhezimi barazon specifikat e programeve te diplomave. Pra, nuk bazohet ne kompetenca, por ka si kriter sasine e provimeve. Nje udhezim i tille i nxjerre nga ministri i Arsimit dhe i Shkences, Genc Pollo, sipas Kolegjit te Profesoratit krijon pengesa dhe veshtiresi ne krahasueshmerine e diplomave dhe gjithashtu nuk garanton cilesi, sepse si kriter percaktues ka thjesht sasine. Nga ana tjeter, sasine e provimeve apo te ngarkeses se lendes, normalisht e vendos fakulteti dhe jo Ministria e Arsimit. Nje gje e tille perben nderhyrje ne kompetencat dhe kurrikulat e Institucioneve te Arsimit te Larte, gje kjo qe cenon autonomine universitare. Gjithashtu, rezervat qe Kolegji i Profesoratit ka ne lidhje me MASH-in, lidhen me sistemin e Bolonjes. "Modeli i studimeve i paraqitur ne ligjin e arsimit te larte nuk eshte i akorduar mire me modelet e tjera te Bolonjes, qe aplikohet ne vendet e tjera te Evropes", thote anetarja e Kolegjit, Nikoleta Mita, duke vijuar se nje model i tille deformon modelin e Bolonjes per ciklin e dyte dhe te trete. "Sipas Bolonjes, studimet e nivelit te dyte i dedikohen studimeve master, por sipas modelit shqiptar, diploma master jepet ne nivelin e dyte dhe te trete te studimeve. Studimet master nuk mund te perzihen me studimet e doktoratures, ata perbejne cikle te vecanta, qe ofrojne kompetenca te ndryshme, diploma te ndryshme dhe jane te vendosura ne rend hierarkik", argumenton Mita. Gjithashtu, sipas saj, studentet qe zoterojne nje diplome te nivelit te pare jane te diskriminuar, krahasuar me ata qe zoterojne nje diplome te sistemit te vjeter katervjecar. Ata qe kane nje diplome te nivelit te pare, duhet te kene edhe nje diplome te nivelit te dyte (5 vjet) ose master te nivelit te dyte (1 vit), qe te kalojne ne studime doktorate, ndersa diploma tradicionale e lejon kalimin e menjehershmen ne master ose doktorate.
Konkurs per koreografet e vogla
Te gjithe femijet qe ne endrrat e tyre mbizoteron ajo per koreografi, apo te pakten prinderit ua kane "injektuar" nje enderr te tille, mund te marrin pjese ne nje konkurs per t'u bere koreografe. Sipas drejtoreshes se Shkolles Kombetare te Koreografise, Blerina Arbana, regjistrimet per konkurs kane filluar me 5 qershor dhe pritet qe te mbarojne me 30 qershor te ketij viti. Si nje nga kriteret kryesore te vendosura nga stafi i kesaj shkolle, lidhen me se shumti me moshen e femijeve. Ata duhet te kene mbaruar klasen e katert dhe te kene sadopak njohje apo talent ne kete fushe, aq te kerkuar.
