Specializimet, kush hyn ne konkurs

Fakulteti i Mjekesise ka shpallur dje listen e mjekeve te pergjithshem, te cilet do te mund te futen ne konkurs per te marre degen e tyre te specializimit. Jane plot 250 konkurrente, te cilet do te garojne gjate dites se neserme, pikerisht me 14 qershor per 167 specializime. "Jane 30 dege specializimesh te mjekeve, te cilat do te rihapen pas tre vjetesh", ka pohuar dekani i Fakultetit te Mjekesise, Alfred Priftanji. Kriteri kryesor ka qene ai i notes mesatare te shkolles se larte, mbi 8. Kurse sa i perket konkursit, kandidati duhet te fitoje gjithsej 1 mije pike, nga te cilat 300 jane te notes mesatare te shkolles se larte dhe 700 te tjera jane te konkursit. Teza e provimit do te permbaje 70 pyetje dhe do te zgjase 90 minuta. Cdo pyetje do te kete tre alternativa, te cilat do te jene shenuar anash saj. Kandidati do te shenoje me X kuadratin e pergjigjes se sakte. Cdo pergjigje e sakte vleresohet me nje pike, cdo pergjigje e gabuar ndeshkohet me -0.5 pike dhe 0 pike per cdo pergjigje "nuk e di". Me pas komisioni, pasi te beje vleresimin e te gjithe kandidateve do te shpalle listen e fituesve per cdo profil. Ata qe kane pretendime mund te ankimojne rezultatin e tyre, ndersa listat perfundimtare te fituesve do te publikohen tri dite pas dorezimit te ankimeve. Per te gjithe ata kandidate qe vijne nga spitalet e rretheve, nuk paguajne tarife shkollimi, por lidhin kontrate me spitalet nga vijne, qe, kur te perfundojne specializimin, do te shkojne te punojne 5 vjet ne rrethin e tyre. Ndersa ata kandidate qe aplikojne per kuotat e lira, paguajne tarifen e shkollimit qe eshte 150 mije leke te reja ne vit, por pas perfundimit te specializimit nuk jane te detyruar te shkojne te punojne ne spitalin e rrethit.