Sanatoriumi kthehet spital per Tiranen

Sanatoriumi do te kthehet perfundimisht ne spital rajonal per kryeqytetin. Ky ka qene vendimi qe ka marre dje Keshilli i Ministrave pas propozimit te bere nga ministri Ndoka. Sipas propozimit, ky spital rajonal do te kete 300 shtreter ne funksion te pacienteve, por ne te do te zhvillohet edhe formimi universitar, pasuniversitar dhe kerkimi shkencor.

Projekti

Nje vit me pare, ministri i Shendetesise, Nard Ndoka, ka hedhur idene e krijimi te nje spitali rajonal per Tiranen, pasi Qendra Spitalore Universitare eshte kthyer ne nje pritje urgjencash dhe ka humbur funksionin e saj te vertete. "Aktualisht Spitali Universitar i Mushkerive "Shefqet Ndroqi" ofron sherbimin konservativ dhe kirurgjikal vetem per semundjet e mushkerive. Mbeshtetur ne strategjine e trajtimit te semundjeve te mushkerive me tendencen mjekimin e tyre prane familjes, jashte spitalit, si dhe nivelin e shfrytezimit te shtratit, mendojme te shtohen disa sherbime te tjera ne kete spital. Kjo duke marre statusin e nje spitali te nivelit terciar, qe do t'i sherbej popullates se prefektures se Tiranes", thuhet ne vendimin e diskutuar dje ne mbledhjen e Keshillit te Ministrave. Sipas propozimit te bere dje, ky spital do te funksionoje edhe me pjesen e konsultave per vizitat ambulatore, por do te ofroje edhe kujdes shendetesor te nivelit sekondar dhe terciar me 300 shtreter.

Funksionimi

Nje pjese e spitalit te semundjeve te mushkerive dhe pikerisht ajo e kirurgjise se mushkerive pritet qe te transferohet ne ambientet e Spitalit Onkologjik per t'i lene vend spitalit rajonal te Tiranes. Nje projekti i tille i cili eshte bere gati nga specialistet me te larte te Ministrise se Shendetesise pret qe te marre firmen e keshillit te ministrave dhe te zbatohet gjate vitit 2008. Spitali i ri rajonal do te kete te gjitha sherbimet, kurse ai i Semundjeve te Mushkerive do te kete nje shperndarje. "Kjo shperndarje do te behet per vete faktin se duhet te krijohet hapesira e mjaftueshme per kete spital alternativ. Sherbimet qe nuk do te levizin do te jene ato ambulatore, kurse me te rendesishmet ato kerkimore shkencore, si dhe nderhyrjet kirurgjikale eshte menduar qe te shkojne ne QSUT", kane pohuar drejtues te Ministrise se Shendetesise. Kurse per sherbimet qe do te ofroje spitali i ri, do te jene qe nga urgjencat te ndara sipas sherbimeve e deri te trajtimet specifike. Sonila Isaku