Ministria e Shendetesise, 23 kuota per mjekesi interne

Mjek specialist per semundjet e brendshme apo interne, eshte dega me e re qe eshte hapur ne Fakultetin e Mjekesise. Ministria e Shendetesise i ka kerkuar Keshillit te Ministrave qe te miratoje 23 kuotat e propozuara prej saj per kete dege te re ne vendin tone. Sipas vendimit te Keshillit te Ministrave, parashikohet hapja e programit te studimit specializues afatgjate per mjekesi interne dhe miratimi i kuotave te percaktuara per vitin akademik 2007-2008. Kohezgjatja e ketij specializimi do te jete per kater vite. Nje tjeter dege e re, qe eshte futur kete vit ne specializime, do te jete edhe ajo e mjekut te familjes, per te cilen ka pasur edhe kerkesa me te shumta. Sipas drejtuesve te Ministrise se Shendetesise, deri tani vendi yne nuk ka pasur mjeke te specializuar per semundjet e brendshme, si dhe per familjen, ndryshe nga mjeket e pergjithshem qe kane ekzistuar deri me tani. Rregullat e vendosura nga Fakulteti i Mjekesise percaktojne se konkursi per te fituar te drejten e specializimit do te zhvillohet me 14 qershor. Aplikimi per te gjithe te interesuarit eshte mbyllur dy dite me pare, ku kriteri kryesor ka qene ai i notes mesatare te shkolles se larte, mbi 8. Ne Fakultetin e Mjekesise mesohet se kane aplikuar rreth 250 mjeke, te cilet plotesojne kriteret e kerkuara dhe do te garojne per te fituar te drejten e specializimit. Jane 30 profile te ndryshme, ne te cilat, ata qe kane mbaruar Fakultetin e Mjekesise, do te garojne per t'u specializuar. Kandidati duhet te fitoje gjithsej 1 mije pike, nga te cilat 300 jane te notes mesatare te shkolles se larte dhe 700 te tjera jane te konkursit. Specializimet e mjekeve jane hapur kete vit pas gati 3 vjetesh nderprerjeje pas nje urdhri te dhene nga ish-ministri i Shendetesise, Maksim Cikuli, per vete faktin e perqendrimit te tyre ne QSUT. Ndersa tashme kandidatet i kane te percaktuara kushtet e punes, duke filluar qe nga kontrata e deri te menyra e punes.