Matematika, tolerance ne ushtrime

Te 33 mije e 400 maturantet duket se do t'i ndjeke fati edhe gjate provimit te dyte me detyrim, Matematike. Sipas specialisteve nga Agjencia e Vleresimit te Arritjeve, do te kete tolerance ne menyren e vleresimit te maturanteve. Keshtu, edhe nese ndonjeri prej tyre nxjerr rezultatin e ndonje ushtrimi gabim, atehere nuk eshte e thene qe ai te vleresohet me zero pike. Nese ka ndjekur logjike te drejte ne zgjidhjen e ushtrimit, kjo nuk do te kaloje pa u vene re nga korrigjuesi.

Leshimi

Agjencia Qendrore e Vleresimit te Arritjeve ka menduar sivjet qe te tregohet me e bute me maturantet. Sipas nje specialisti te AVA-s, kete vit eshte menduar qe te merret parasysh logjika qe ndjek nje maturant ne zgjidhjen e nje ushtrimi. "Nese ai ka vepruar drejt, sipas formules qe kane mesuar ne liber dhe per arsye shpejtesie nuk e nxjerr mire perfundimin e nje ushtrimi, nuk do te jemi shume strikte. Ne do ta vleresojme maturantin sikur ai e ka pergjigjen te sakte", thone specialistet duke argumentuar se ne ato momente secili mund te shperqendrohet per shkak te emocioneve dhe stresit per t'i zgjidhur te gjitha ushtrimet dhe pyetjet e tjera me zhvillim. Kesisoj, ata do te ndjehen te privilegjuar, pasi per here te pare, korrigjimi do te behet duke marre parasysh edhe logjiken qe eshte ndjekur per ta zgjidhur ate ushtrim.

Konsultimet

Ato kane filluar nderkohe, ndersa pritet qe te perfundojne te marten. Sipas burimeve nga Drejtoria Arsimore e Tiranes, gjithcka po ecen sipas parashikimeve. "Ne cdo shkolle po kryhen perdite konsultime. Mesuesit jane vene ne dispozicion te maturanteve, duke iu pergjigjur cdo paqartesie qe kane ata dhe duke i rizgjidhur edhe nje here ushtrimet aq te perseritura gjate vitit. Megjithate, disa nxenes shprehen se nuk kane hequr dore gjithsesi nga kurset private. Me shume, nje gje te tille e kane bere ata nxenes qe duan te zgjedhin deget e shkencave ekzakte ne formularin A2. Duke mos pasur shume besim te dijet qe kane dhe duke dashur qe ndonje dege inxhinierie ta kene ne "xhep", disa maturante kane zgjedhur qe te ndjekin privatisht kurse, ne menyre qe me 17 qershor te jene ne nivelin e duhur. Pikerisht pas kesaj date, pritet qe te shperndahet per plotesim edhe formulari A2. Jo pa qellim, ai eshte vendosur qe t'u jepet maturanteve pikerisht pas zhvillimit te provimit te dyte me detyrim. "Pasi te japin provimet D1 e D2, maturantet normalisht qe do te kene edhe mesataren e 4 viteve te shkolles se mesme, dhe mund te bejne nje perllogaritje te perafert se cilen dege u leverdis te zgjedhin, thone specialistet e Ministrise se Arsimit dhe Shkences. Sipas tyre, kjo eshte nje ndihme e madhe ne kuader edhe te Keshillimit te Karrieres, qe maturantet te zgjedhin ne menyre objektive degen ku duan te studiojne. Per sa i perket ndryshimeve te pritshme te formularit A2, sivjet ato lidhen vetem me llojet e degeve qe do te listohen. Ndersa ndryshime te tjera teknike, apo edhe estetike, nuk do te kene.



18 Korrik Do te jete afati i fundit kur maturantet duhet te dorezojne neper shkolla formularin A2, te plotesuar. Maturantet te kene ne dore rezultatet e provimeve me detyrim kur ta plotesojne.

17 Qershor Dita kur maturantet do t'i nenshtrohen testit te Matematikes. Aktualisht po kryhen konsultimet neper shkolla. Hartuesit e testit do te dalin nga izolimi diten e provimit

50 Pike Maksimalisht vleresohet provimi me detyrim i Matematikes. Nga keto, 13 pike vleresohen pyetjet me alternativa dhe 37 pike, pyetjet me zhvillim. Gjithsej testi do te kete 25 pyetje