Korrigjimi i testeve, si do te procedohet

Luljeta Ndoka

Testet e letersise do te korrigjohen me kujdesin me te madh ne 4 qendra te posacme te ngritura ne disa rrethe te Shqiperise. Sipas burimeve nga Agjencia e Vleresimit te Arritjeve, testet do te kalojen neper disa duar, per motive objektiviteti. Nje gje e tille eshte vendosur kryesisht per hir te faktit qe ato do te korrigjohen ne menyre manuale, per shkak te futjes se pyetjeve me zhvillim. Gjithashtu, nje risi e ketij viti, ne krahasim me vitet e shkuara, eshte edhe hapja e tre qendrave te reja te korrigjimit ne rrethet Elbasan, Fier dhe Shkoder. Perzgjedhja e korrigjuesve eshte bere para disa kohesh, dhe gjithashtu eshte kryer edhe procesi i trajnimit te tyre.

Masat

Masat e sigurise jane menduar te jene te rrepta. Sipas burimeve nga AVA, pasi te korrigjohen nga nje grup prej dy specialistesh, ato do te kalojne te nje grup tjeter, po prej dy specialistesh, per verifikim. Nje i peste do te jape me pas verdiktin mbi vleresimin e maturantit. Kesaj here nuk behet fjale per favorizimi, pasi testet e nje rrethi, do te korrigjohen ne nje qender te nje rrethi tjeter. Por, shkaku i vertete pse eshte menduar qe nje test te kaloje neper disa vleresues, lidhet me fluksin e tyre te madh, i cili mund te sjelle lodhje te korrigjuesve. Pikerisht per te shmangur gabimet per shkak te lodhjes, Agjencia Qendrore e Vleresimit te Arritjeve ka menduar qe te eliminohet teresisht vleresimi i gabuar, ne menyre qe asnje maturant te mos “ndeshkohet” per fajin e vleresuesve. Jane rreth 155 korrigjues, qe jane zgjedhur nga Drejtorite Arsimore te Rretheve per te kryer misionin me mjaft pergjegjesi te korrigjimit per teste e rreth 33 mije maturanteve. Ndersa mesohet se ata do te shperblehen per punen mjaft voluminoze qe i pret. Deri tani mesohet se administratoret qe kane mbikeqyrur provimin e Letersise do te paguhen 2500 leke per punen e kryer ne diten e provimit.

Qendrat

Procesi i korrigjimit sivjet do te jete i ndryshem nga ai i vitit te shkuar. Keshtu, Ministria e Arsimit dhe e Shkences ka vendosur pas rishikimeve te bera qe procesi i korrigjimit te testeve te pershkallezohet ne disa rrethe, kjo ne ndihme te korrigjimit sa me te shpejte te testeve ashtu dhe ne berjen e nje vleresimit te sakte. Pershkallezimi i korrigjimeve eshte menduar te behet pervec AVA ne Tirane edhe ne tre qytete te tjera si ne Fier, Shkoder dhe ne Elbasan. Shume nga rrethet kane mesues te mire qe mund te merren me korrigjimet, por, duke pare distancen e tyre ne krahasim me kryeqytetin, ka qene mjaft e veshtire sjellja e tyre ne qendren e vleresimit te kryeqytetit. Per kete MASH ka menduar qe per Letersine korrigjimet te behen ne disa qendra te caktuara te ketyre qyteteve, te cilat do te jene te ruajtura ne menyre te rrepte nga policet dhe kamerat e vendosura ne keto ambiente e qe jane percaktuar ne baze te bashkepunimit me Ministrine e Brendshme, ne lidhje me garantimin e ketij procesi. Sipas Ministrise se Arsimit, aplikimi i kesaj skeme do te sjelle rezultate me te shpejta ne ndihme te maturanteve, si dhe kufizimin e kohes se nevojshme per korrigjim. Edhe per kete vit korrigjimi i testeve do te kaloje neper disa duar.

4 Qendra do te funksionojne gjithsej per korrigjimin e provimeve te Matures Shteterore. Kjo, pas hapjes se qendrave te reja ne Shkoder, Elbasan dhe Fier. Korrigjuesit do te shperblehen per cdo dite pune te kryer per vleresimin e testit te Letersise.

33 Mije e 400 maturante do t’i nenshtrohen provimit te Matematikes. Edhe per kete provim do te funksionoje skema me tre shkalle veshtiresie, e ideuar nga AVA ne menyre qe t’u jepet shansi per t’u pergjigjur edhe maturanteve te dobet.

09:00 Ora kur hartuesit e testit te Matematikes do te izolohen sot ne ambientet e Agjencise Qendrore te Vleresimit te Arritjeve. Ata do te dalin nga izolimi me 17 qershor, dy ore pasi te kete filluar zhvillimi i provimit te Matematikes

Korrigjimi i testeve nis neser ne 4 qendra

Korrigjimi i testeve te letersise do te nise neser, me 12 qershor. Sipas burimeve nga Ministria e Arsimit, sivjet korrigjimi do te jete ne menyre manuale dhe jo me lexues optik. Kjo per faktin se sivjet jane futur mjaft pyetje me zhvillim. Fakti se ato mund te marrin pergjigje te pjesshme, ben qe korrigjimi te behet vetem ne menyre manuale, test per test.

Tre shkalle veshtiresie

Edhe per testin e Matematikes do te funksionoje skema me tre shkalle veshtiresie. Maturantet e dobet do te kene hapesire ne cdonjerin prej testeve ne masen 40 per qind. Maturantet e nivelit mesatar do te kene po aq hapesire, ndersa ata te nivelit te pare kane 20 per qind hapesire ne test.

Matematika, pas 6 ditesh

Pasi 6 ditesh, maturantet do t’i nenshtrohen provimit te dyte me detyrim, atij te Matematikes. Keshtu, ata do te kene disa dite ne dispozicion per konsultime ne shkollat ku kane kryer te mesmen. Ndersa sot, hartuesit e testit te Matematikes do te “ngujohen” ne ambientet e AVA-s.