Shitja e KESH, nis faza e parakualifikimit
E Marte, 03 Qershor 2008
Privatizimi i Operatorit te Shperndarjes se Energjise, OSSH, futet sot ne fazen e parakualifikimit te kompanive qe kane shprehur interes per blerjen e sektorit, nderkohe qe vetem nje jave me pare eshte bere ftesa per tender ne gazeten "Financial Times". Kompanite qe do te vazhdojne garen per blerjen do t'i prezantoje sot per median zv/ministri i Ekonomise, Neritan Alibali. Shume investitore nderkombetare potenciale, qe moren pjese ne konferencen e investitoreve te KESH-it, mbajtur ne Tirane, me 8 prill, shprehen interesin per privatizimin e Kompanise se Shperndarjes se KESH-it. Ministria e Energjetikes ka deklaruar se jane te pakten 8 kompani qe kane shprehur interes. Nepermjet nje tenderi te hapur nderkombetar, qeveria shqiptare planifikon te shese 51% deri 76% te Kompanise se Shperndarjes te nje investitor strategjik. Privatizimi eshte nje hap i nevojshem per te ulur humbjet ne shperndarjen e energjise elektrike, te cilat po vazhdojne te demtojne rende vendin.
Ashtu, sic eshte deklaruar edhe me pare, mendohet qe OSSH-ja do te kaloje ne duart e investitoreve brenda muajit gusht te ketij viti. Nderkohe, qeveria ka miratuar edhe kompetencat, si dhe detyrat qe duhet te kete ky operator pas privatizimit te tij.
