Aspirata per BE, e para Topalli

Vota e lexuesve te "Koha Jone" online kete jave qe u mbyll eshte ndare mes politikes dhe kultures. Jozefina Topalli, kryetare e Kuvendit, ka marre 46.4 per qind te 2200 votave online, duke u shpallur "Personazhi i javes". Topalli mori vleresimet nga lexuesit e gazetes online, per deklaraten qe beri pak dite me pare mbi anetaresimin ne Bashkimin Evropian. Znj. Topalli premtoi se brenda vitit ne vazhdim, Shqiperia do te jete vend kandidat per ne BE. Sipas Topallit, nje kerkese zyrtare do t'i dergohet BE-se per te marre ne konsiderate aspiraten shumevjecare te shqiptareve. Ne fakt, nje kerkese te ngjashme drejtuar shtetit, e kishte bere prej ditesh edhe kryetari i Partise Socialiste Edi Rama. Ai i beri thirrje qeverise qe brenda shtatorit, aplikimi t'i dergohet zyrtarisht BE-se. Vende te tjera te rajonit, si Kroacia dhe Bullgaria, pasi kane kryer aplikimin zyrtar per hyrje ne BE, jane anetaresuar perkatesisht pas 9 dhe 11 vjetesh.

Ne vend te dyte ne renditjen e sondazhit "Personazhi i javes", eshte kengetarja vetem 16 vjecare, Olta Boka, me 37.7 per qind te votave. Adoleshentja ndodhej javen e kaluar ne kryeqytetin e Serbise Beograd, ku interpretoi kengen fituese te Festivalit te Kenges ne RTVSH. "Zemren s'e lame peng", u rendit e 16-ta ne "Eurosong '08". Megjithate kenga u vleresua shume ne Beograd, ku votimi ishte si dhe vitet e tjera, i bazuar ne mbeshtetje gjeopolitike.

Deputeti i Partise Socialiste Kastriot Islami, "ka imituar" demokratet kur ishin ne opozite, me nje premtim qe beri para disa ditesh per anulim te shitjes se nje kompanie shteterore. Islami, duke folur ne emer te Partise Socialiste, tha se forca me e madhe aktualisht ne opozite, e konsideron te parregullt procesin e privatizimit te shoqerise se naftes "ARMO". Ndaj ne nje deklarim per mediat, z.Islami premtoi se kur PS te rikthehet ne pushtet do ta anuloje privatizimin e kompanise strategjike shqiptare. Premtim te ngjashem kishte bere dhe kryeministri aktual i cili kur ishte ne opozite e kritikoi procesin e privatizimit nga Nano, te shoqerise shteterore "Albtelecom". Ne fakt Berisha e bllokoi per verifikim kete proces dhe vetem pas kesaj, i dha "ok" procedurave te metejshme. Islami mori ne sondazhin e "KJ", 8.6 per qind te 2200 votave.

Sport ka zene gjithashtu nje vend te rendesishem ne sondazhin e perjavshem te gazetes "Koha Jone", ne faqen e saj zyrtare online, www.kohajone.com. Trajneri i ekipit kombetar shqiptar te futbollit, Ari Han, ka marre 7.3 per qind te 2200 votave. Lexuesit te cilet kane te drejte te votojne secili vetem nje here per cdo sondazh, e vleresuan trajnerin e kuqezinjve Han, per deklaraten se do te ndiqte nje skeme te re loje, me aktive. Ari Han, para ndeshjes miqesore me Polonine qe nuk arriti ta "fuse ne xhep" si fitore, tha se kishte vendosur qe njembedhjeteshja qe drejton, te aplikoje skemen e shpejte te lojes ne 90 minutat e cdo ndeshjeje.

Ed.Ku